പോക്സോ കേസിൽ അറസ്റ്റിലായ കെസിഎ കോച്ച് മനുവിനെതിരെ സ്വമേധയാ കേസെടുത്ത് ബാലാവകാശ കമ്മീഷൻ. കൂടാതെ വിശദീകരണം ആവശ്യപ്പെട്ട് കെസിഎക്ക് നോട്ടീസ് അയച്ചു. വീഴ്ച ഉണ്ടായിട്ടുണ്ടെങ്കിൽ നിയമ നടപടികളിലേക്ക് നീങ്ങുമെന്നും ബാലാവകാശ കമ്മീഷൻ അറിയിച്ചു. കഴിഞ്ഞ ദിവസമാണ് ക്രിക്കറ്റ് കോച്ച് മനുവിനെതിരെയുള്ള പീഡന പരമ്പരകൾ പുറത്തുവന്നത്. പരിശീലനത്തിനിടെ പെൺകുട്ടികളെ ക്രൂരമായി പീഡിപ്പിച്ചുവെന്നും നഗ്ന ദൃശ്യങ്ങൾ എടുത്ത് ഭീഷണിപ്പെടുത്തിയെന്നുമാണ് പരാതി.
ആറ് കുട്ടികൾ നൽകിയ പരാതിയിൽ പൊലീസ് പ്രതിയുടെ അറസ്റ്റ് രേഖപ്പെടുത്തിയത്. ഇതിനു പിന്നാലെയാണ് സംഭവത്തിൽ ബാലാവകാശ കമ്മീഷൻ സ്വമേധയാ കേസെടുത്തത്. 10 ദിവസത്തിനകം വിശദീകരണം നല്കാനും കെസിഎക്ക് നിർദേശം നൽകി. അതേസമയം, മനുവിനെതിരെ മുമ്പും പീഡനപരാതി ലഭിച്ചിരുന്നുവെങ്കിലും കോടതി വെറുതെ വിട്ട സാഹചര്യത്തിലാണ് തുടരാൻ അനുവദിച്ചതെന്നായിരുന്നു കെസിഎയുടെയും തിരുവനന്തപുരം ക്രിക്കറ്റ് അസോസിയേഷന് വ്യക്തമാക്കി.
ശേഷം വനിതാ പ്രതിനിധ്യം ഉറപ്പാക്കിയാണ് പെൺകുട്ടികൾക്ക് പരിശീലനം നൽകിയതെന്നും അസോസിയേഷൻ സെക്രട്ടറി പറഞ്ഞു. എന്നാൽ പരാതി ഉയർന്നിട്ടും പിങ്ക് ടൂർണമെന്റിൽ ഇയാളെ കെ സി എ ഉൾപ്പെടുത്തി. ഇക്കാര്യത്തിൽ ഉൾപ്പെടെ കെസിഎ വിശദീകരണം നൽകണമെന്നാണ് നിലവിൽ ബാലവകാശ കമ്മീഷൻ ആവശ്യപ്പെട്ടു. ഒപ്പം തന്നെ അസോസിയേഷന്റെ ഭാഗത്തു നിന്ന് വീഴ്ച ഉണ്ടായിട്ടുണ്ടെങ്കിൽ നിയമ നടപടികളിലേക്ക് കടക്കുമെന്നും കമ്മീഷൻ അറിയിച്ചു.
English Summary:KCA Coach Pocso Case; Child Rights Commission took the case on its own initiative
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.