മുഹമ്മ ഗ്രാമപഞ്ചായത്തിലെ കേര സംരക്ഷണ പരിശീലന പരിപാടിയ്ക്ക് തുടക്കമായി. കായംകുളത്തെ ജില്ലാ കൃഷി വിജ്ഞാന കേന്ദ്രത്തിന്റെ നേതൃത്വത്തിൽ ഗ്രാമ പഞ്ചായത്തിന്റെയും കൃഷി ഭവന്റെയും സഹകരണത്തോടെയാണ് ഈ പുതിയ പരിപാടി നടപ്പിലാക്കുന്നത്. മുഹമ്മ പഞ്ചായത്ത് വൈസ് പ്രസിഡന്റ് എൻ ടി റെജിയുടെ അദ്ധ്യക്ഷതയിൽ കൂടിയ പരിശീലന പരിപാടിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് സ്വപ്ന ഷാബു നിർവ്വഹിച്ചു.
ജില്ലാ കൃഷി വിജ്ഞാന കേന്ദ്രം മോധാവി ഡോ. പി മുരളീധരൻ ആമുഖ പ്രഭാഷണം നടത്തി. വികസനകാര്യ സ്റ്റാന്റിങ് കമ്മിറ്റി ചെയർ പേഴ്സൺ എം ചന്ദ്ര, കൃഷി ഓഫീസർ പി എം കൃഷ്ണ, കേരഗ്രാമം കൺവീനർ അരവിന്ദാക്ഷ പണിക്കർ എന്നിവർ സംസാരിച്ചു. കൃഷി വിജ്ഞാന കേന്ദ്രത്തിന്റെ വിദഗ്ധൻ ഡോ. ടി ശിവകുമാർ ക്ലാസുകൾ നയിച്ചു. പഞ്ചായത്തിലെ എല്ലാ വാർഡുകളിലും ഈ പരിപാടി തുടർന്ന് സംഘടിപ്പിക്കും. നാളീകേര കൃഷിയെ ബാധിക്കുന്ന കീട രോഗങ്ങളെ തിരിച്ചറിയാനും അവയെ നിയന്ത്രിക്കാനുമുള്ള പ്രായോഗിക പരിശീലനം നൽകുക എന്നതാണ് പരിപാടി കൊണ്ട് ഉദ്ദേശിക്കുന്നത്.
English Summary: Kera protection training program started
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.