27 അവശ സർക്കസ് കലാകാരന്മാർക്ക് കൂടി പെൻഷൻ അനുവദിക്കാൻ കായിക മന്ത്രി വി അബ്ദുറഹിമാന്റെ അധ്യക്ഷതയിൽ ചേർന്ന സംസ്ഥാനതല സമിതി യോഗം തീരുമാനിച്ചു. മാനദണ്ഡം അനുസരിച്ച് ലഭിച്ച അപേക്ഷകൾ പരിഗണിച്ചാണ് തീരുമാനം. ഇതോടെ സർക്കസ് പെൻഷൻ ലഭിക്കുന്നവരുടെ എണ്ണം 1,100 ആയി. 2,000 രൂപയാണ് പെൻഷൻ. അടുത്ത മാസം മുതൽ പെൻഷൻ ലഭിച്ചു തുടങ്ങും. കണ്ണൂർ ജില്ലയിൽ നിന്ന് 22 പേർക്ക് പുതുതായി പെൻഷൻ അനുവദിച്ചിട്ടുണ്ട്. മലപ്പുറം, എറണാകുളം ജില്ലകളിൽ രണ്ട് പേർക്ക് വീതവും കോഴിക്കോട് ജില്ലയിൽ ഒരാൾക്കും പുതുതായി പെൻഷൻ ലഭിക്കും. കായിക ഡയറക്ടറേറ്റ് വഴിയാണ് പെൻഷൻ തുക ലഭ്യമാക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.