എൻഫോഴ്സ്മെൻറ് ഡയറക്ടറേറ്റ് അനാവശ്യമായി തങ്ങളുടെ പ്രവർത്തനങ്ങളെ തടസപ്പെടുത്തുകയാണെന്ന് കിഫ്ബി ഹെെക്കോതിയിൽ അറിയിച്ചു. പലതവണ ഉദ്യോഗസ്ഥരെ ചോദ്യം ചെയ്തു. ഇപ്പോള്‍ വീണ്ടും സമന്‍സയച്ചിരിക്കുകയാണ്.
ഫെമ ലംഘനം നടന്നിട്ടുണ്ടോ എന്ന് അന്വേഷിക്കാനുള്ള അധികാരം റിസർവ് ബാങ്കിനാണ്, ഇഡിക്കല്ലെന്നും കിഫ്ബിക്ക് റിസർവ് ബാങ്കിന്റെ എല്ലാ അനുമതിയും ഉണ്ടെന്നും വ്യക്തമാക്കി. തുടർ നടപടികൾക്ക് സ്റ്റേ വേണമെന്നും കിഫ് ബി ആവശ്യപ്പെട്ടു.അതേസമയം സംശയത്തിന്റെ അടിസ്ഥാനത്തിലാണോ അവർത്തിച്ച് ഉദ്യോഗസ്ഥരെ വിളിച്ച് വരുത്തുന്നതെന്ന് കോടതി ഇഡിയോട് ചോദിച്ചു. കേസിൽ കൗണ്ടർഫയൽ ചെയ്യാൻ ഇഡി സമയം ചോദിച്ചു.
കിഫ്ബി വിദേശനാണയ ചട്ടം(ഫെമ)ലംഘിച്ചതായി സംശിക്കുന്നുണ്ടെന്ന് ഇഡി പറഞ്ഞു. ഇഡി അന്വേഷണത്തിന് കോടതി സറ്റേ നൽകിയിട്ടില്ല. കേസ് സെപ്തംബർ 2ന് വീണ്ടും പരിഗണിക്കും.ഇഡി നല്ല ഉദ്ദേശത്തിൽ അല്ല സമൻസ് അയച്ചിരിക്കുന്നതെന്നു് കിഫ്ബിക്ക് വേണ്ടി ഹാജരായ സുപ്രിം കോടതി അഭിഭാഷകൻ അരവിന്ദ് ദത്താർ പറഞ്ഞു. പണം വന്നത് നിയമവിരുദ്ധമായിട്ടാണെന്ന് പറയാനാവില്ലെന്നും കിഫ്ബി കോടതിയെ അറിയിച്ചു.
English Summary: Kifbi says it is not ED to investigate FEMA violations
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.