കൊല്ലത്ത് കുട്ടിയ തട്ടികൊണ്ടുപോയ സംഭവം; തിരുവനന്തപുരത്ത് രണ്ടുപേർ കസ്റ്റഡിയിൽ

കൊല്ലത്ത് കുട്ടിയെ തട്ടികൊണ്ടുപോയ സംഭവത്തിൽ രണ്ടുപേർ കസ്റ്റഡിയിൽ. ഒരാളെ തിരുവനന്തപുരം ശ്രീകണ്ഠേശ്വരത്ത് നിന്നാണ് കസ്റ്റഡിയിലായത്. സംശയം തോന്നിയ സാഹചര്യത്തിലാണ് കസ്റ്റഡിയിലെടുത്തിരിക്കുന്നത്. രണ്ടുപേരും ശ്രീകാര്യം പോലീസ് സ്റ്റേഷനിലാണ്. സംഭവത്തിൽ പൊലീസ് വിശദമായി അന്വേഷണം നടത്തിവരികയാണ്. പ്രതിയെന്ന് സംശയം തോന്നിയവരാണ് കസ്റ്റഡിയിലായത്.

കുട്ടിയുടെ അച്ഛന്റെ ഫോണിലേക്ക് വിളിച്ചയാൾ 10 ലക്ഷം രൂപ ആവശ്യപ്പെട്ടിരുന്നു. രാവിലെ 10 മണിക്ക് കുട്ടിയെ വീട്ടിലെത്തിക്കുമെന്നും പണം അതിനോടകം തയാറാകണമെന്നും വിളിച്ചയാൾ പറഞ്ഞു. ഈ ഫോൺകാൾ കേന്ദ്രീകരിച്ചും പൊലീസ് അന്വേഷണം ഊർജ്ജിതമാക്കിയിട്ടുണ്ട്. അതേസമയം പോലീസ് പ്രതിയുടേതെന്ന് തോന്നുന്ന രേഖാചിത്രം പുറത്തുവിട്ടു.

Eng­lish Sum­ma­ry: kol­lam girl abduc­tion two in custody
You may also like this video