ജനങ്ങൾ ചൂണ്ടികാണിച്ച വിമർശനങ്ങൾ ഉൾകൊള്ളുകയും പോരായ്മകൾ പരിഹരിക്കുന്നതിന് മുൻഗണ നൽകുകയും ചെയ്താൽ തെരഞ്ഞെടുപ്പിൽ ഇടതുപക്ഷത്തിനേറ്റ തിരിച്ചടിയെ അതിജീവിക്കുവാനാകുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. സിപിഐ ജില്ലാ നേതൃത്വ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. കമ്മ്യൂണിസ്റ്റ് മൂല്യങ്ങൾ സംരക്ഷിച്ചു കൊണ്ടും ജനകീയ പ്രശ്നങ്ങൾ ഉയർത്തി കൊണ്ടുമുള്ള നിരന്തര പ്രവർത്തനങ്ങൾക്ക് മുൻഗണന നൽകുമെന്ന് അദ്ദേഹം പറഞ്ഞു. സർക്കാർ അടിസ്ഥാന ജനവിഭാഗങ്ങളുടെ ക്ഷേമത്തിന് മുഖ്യ പരിഗണന നൽകണം.
ക്ഷേമ പെൻഷൻ, സപ്ലൈക്കോ, കയർ- കശുവണ്ടി വ്യവസായങ്ങൾ എന്നിവ ഇതിൽ പ്രധാനപ്പെട്ടതാണെന്ന് അദ്ദേഹം പറഞ്ഞു. ക്യാമ്പ് ലീഡറായി എൻ ശ്രീകുമാറിനെ തെരഞ്ഞെടുത്തു. ടി കെ സുധീഷ് ക്ലാസ്സെടുത്തു. മന്ത്രി പി പ്രസാദ്, ജില്ലാ സെക്രട്ടറി ടി ജെ ആഞ്ചലോസ്, അസിസ്റ്റന്റ് സെക്രട്ടറിമാരായ പി വി സത്യനേശൻ, എസ് സോളമൻ, ദേശീയ കൗൺസിൽ അംഗം ടി ടി ജിസ്മോൻ, സംസ്ഥാന കൗൺസിൽ അംഗങ്ങളായ ജി കൃഷ്ണപ്രസാദ്, കെ ചന്ദ്രനുണ്ണിത്താൻ, ദീപ്തി അജയകുമാർ, വി മോഹൻദാസ്, ഡി സുരേഷ് ബാബു, എ ഷാജഹാൻ, ജില്ലാ പഞ്ചായത്ത് വൈസ് പ്രസിഡന്റ് എൻ എസ് ശിവ പ്രസാദ് എന്നിവർ സംസാരിച്ചു.
English Summary: Left’s backlash can survive if criticism is absorbed: Binoy Vishwam
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.