ഈ മാസം അവസാനം വിടവാങ്ങേണ്ട വടക്കു കിഴക്കൻ മൺസൂൺ (തുലാവർഷം) വിടവാങ്ങാൻ വൈകും. ജനുവരിയിലും തുലാവർഷത്തിന്റെ ഭാഗമായ മഴ ലഭിക്കുമെന്ന് കാലാവസ്ഥ നിരീക്ഷകർ പറയുന്നു. ഡിസംബർ 31 വരെ പെയ്യുന്ന മഴയാണ് തുലാവർഷത്തിന്റെ കണക്കിൽ പെടുത്തുക. ജനുവരിയിൽ പെയ്യുന്ന മഴ തുലാവർഷത്തിന്റെ ഭാഗമാണെങ്കിലും ശീതകാല മഴയുടെ കണക്കിലാണ് ഉൾപ്പെടുത്തുക.
ഒക്ടോബർ അവസാന വാരത്തിലാണ് ഇത്തവണ വടക്കു കിഴക്കൻ മൺസൂൺ എത്തിയത്. എന്നാൽ ഒക്ടോബർ ഒന്നു മുതൽ പെയ്യുന്ന മഴ തുലാവർഷ കണക്കിലാണ് ഉൾപ്പെടുത്തുക. 2024 ജനുവരി ഒന്നാം വാരത്തിലും തമിഴ്‌നാട്ടിൽ തുലാവർഷ ഭാഗമായുള്ള ശക്തമായ മഴ ലഭിക്കും. എന്നാൽ തമിഴ്‌നാട്ടിൽ കൂടുതൽ മഴയും കേരളത്തിൽ കുറവ് മഴയുമാണ് ലഭിക്കുക. ഡിസംബർ 30 മുതൽ കേരളത്തിലെ തെക്കൻ ജില്ലകളിൽ ഒറ്റപ്പെട്ട മഴക്ക് സാധ്യതയുണ്ട്
മിഷോങ് ചുഴലിക്കാറ്റിനെ തുടർന്നാണ് തമിഴ്‌നാട്ടിൽ ശക്തമായ മഴ ലഭിച്ചത്. തെക്കൻ തമിഴ്‌നാട്ടിൽ പ്രളയക്കെടുതി ഇനിയും അവസാനിച്ചിട്ടില്ല. തമിഴ്‌നാട്ടിൽ 6% അധിക മഴയാണ് ഇതുവരെ ലഭിച്ചത്. ഇതുവരെ 45 സെന്റിമീറ്റര്‍ മഴപെയ്തു. 42 സെന്റിമീറ്റര്‍ മഴയാണ് ഈ കാലയളവിൽ ലഭിക്കേണ്ടത്.
English Summary: Libra season will continue; chance of rain again
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.