കാറിടിച്ച് ബ്രിട്ടനിലെ ലീഡ്സില് മലയാളി വിദ്യാര്ത്ഥിനി മരിച്ചു. തിരുവനന്തപുരം തോന്നയ്ക്കല് പട്ടത്തിന്കര അനിന്കുമാര് — ലാലി ദമ്പതികളുടെ മകള് ആതിര അനില് കുമാര് (25) ആണ് മരിച്ചത്. ലീഡ്സിലെ ആംലിക്ക് സമീപം സ്റ്റാനിങ് ലീ റോഡിലെ ബസ് സ്റ്റോപ്പില് ബസ് കാത്തു നില്ക്കുന്നതിനിടെ, നിയന്ത്രണം വിട്ട കാര് ബസ് സ്റ്റോപ്പിലേക്ക് ഇടിച്ചുകയരുകയായിരുന്നു.
ബുധനാഴ്ച പ്രാദേശിക സമയം രാവിലെ 8.30നായിരുന്നു അപകടം. ബസ്റ്റ് സ്റ്റോപ്പിലെ നടപ്പാതയിലേക്കാണ് കാര് ഇടിച്ചുകയറിയത്. ആതിര സംഭവ സ്ഥലത്തുവെച്ചതന്നെ മരിച്ചതായാണ് വിവരം. ആതിരയ്ക്ക് ഒപ്പമുള്ള രണ്ട് മലയാളി വിദ്യാര്ത്ഥികള്ക്കും ഒരു മദ്ധ്യവയസ്കനും പരിക്കേറ്റു. അപകടമുണ്ടാക്കിയ കാര് ഓടിച്ചിരുന്ന യുവതിയെ പൊലീസ് അറസ്റ്റ് ചെയ്തിട്ടുണ്ട്. ആതിരയുടെ മൃതദേഹം ബ്രാഡ്ഫോര്ഡ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
ലീഡ്സിലെ ബെക്കറ്റ് യൂണിവേഴ്സിറ്റിയില് പ്രൊജക്ട് മാനേജ്മെന്റ് വിദ്യാര്ത്ഥിനിയാണ് മരിച്ച ആതിര. പഠനത്തിനായി ഒരു മാസം മുമ്പ് മാത്രമാണ് യുകെയില് എത്തിയത്. ഭര്ത്താവ് രാഹുല് ശേഖര് ഒമാനിലാണ്. ഒരു മകളുണ്ട്.
English Summary: malayali student died in a road accident in uk
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.