ഷാർജയിൽ മലയാളി യുവതി ജീവനൊടുക്കിയ സംഭവത്തിൽ ഭർത്താവിനെതിരെ കേസെടുത്ത് പൊലീസ്. ചവറ സ്വദേശി അതുല്യ ജീവനൊടുക്കിയ സംഭവത്തിലാണ് ഭർത്താവ് സതീഷിനെതിരെ ചവറ പൊലീസ് കേസെടുത്തത്. കൊലപാതകക്കുറ്റം, സ്ത്രീധന നിരോധന നിയമം, ആത്മഹത്യാപ്രേരണക്കുറ്റം തുടങ്ങി വിവിധ വകുപ്പുകള് പ്രകാരമാണ് കേസെടുത്തത്. അമ്മയുടെയും അച്ഛന്റെയും മൊഴിയുടെ അടിസ്ഥാനത്തിലാണ് കേസെടുത്തത്. സ്ഥിരം മദ്യപാനിയായ സതീഷ് സ്ത്രീധനത്തിന്റെ പേരിൽ അതുല്യയെ ക്രൂരമായി ഉപദ്രവിച്ചുവെന്ന് പരാതിയിൽ പറയുന്നു.
വിവാഹം കഴിഞ്ഞപ്പോൾ മുതൽ നിരന്തരം ഉപദ്രവിച്ചു. അതുല്യ വീട്ടിലേക്ക് മടങ്ങാൻ ആഗ്രഹിച്ചെങ്കിലും സതീഷ് തടഞ്ഞു. സതീഷിന് വിവാഹ സമയത്ത് 48 പവന് സ്വര്ണം നല്കിയെങ്കിലും വീണ്ടും സ്വര്ണം വേണമെന്നാവശ്യപ്പെട്ട് അതുല്യയെ മാനസികമായി പീഡിപ്പിച്ചിരുന്നുവെന്നാണ് രക്ഷിതാക്കള് പറയുന്നത്. 75000 രൂപ നല്കി 11 വര്ഷം മുമ്പ് ബൈക്ക് വാങ്ങി നല്കിയിരുന്നുവെന്നും എന്നാല് അതിന് ശേഷം കാറ് വേണമെന്ന് ആവശ്യപ്പെട്ട് പീഡനമുണ്ടായെന്നും മൊഴിയില് പറയുന്നു. ഇക്കാര്യങ്ങള് അതുല്യ അറിയിച്ചിരുന്നുവെന്നും രക്ഷിതാക്കള് പറയുന്നു.കൊല്ലം
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.