തെറ്റ് തെറ്റാണെന്ന് പറയാൻ മമ്മുട്ടിയും മോഹൻലാലും ആർജ്ജവം കാണിക്കണമെന്ന് നടി സുപര്ണ ആനന്ദ്.
മുതിര്ന്ന നടന്മാരായ മമ്മൂട്ടിയുടെയും, മോഹന് ലാലിന്റെയും മൗനം അമ്പരിപ്പിക്കുന്നുവെന്നും പരാജയമായതുകൊണ്ടാണ് അമ്മ ഭരണസമിതിക്ക് രാജി വയ്ക്കേണ്ടി വന്നതെന്നും സുപര്ണ്ണ പറഞ്ഞു . മലയാള സിനിമയില് നിന്ന് ഉള്പ്പെടെ കയ്പേറിയ അനുഭവങ്ങളുണ്ടായിട്ടുണ്ട്. പലതരത്തിലുള്ള സമ്മര്ദങ്ങളാണ് ഉണ്ടായിട്ടുള്ളത്.
എന്നാല്, അത്തരം സമ്മര്ദ്ദങ്ങള്ക്ക് നിന്നുകൊടുക്കാനാകാത്തതുകൊണ്ടാണ് സിനിമ തന്നെ വിടേണ്ടി വന്നതെന്നും സുപര്ണ ആനന്ദ് പറഞ്ഞു. കാസ്റ്റിംഗ് കൗച്ചടക്കമുള്ള പ്രവണതകള് അന്നേ സിനിമയിലുണ്ട് . ഉപദ്രവിച്ചവരുടെ പേര് പുറത്ത് പറയാന് നടിമാര് കാണിച്ച ധൈര്യത്തെ അഭിനന്ദിക്കുന്നു. എന്നാല് കേസെടുത്തിട്ട് പോലും എംഎല്എ സ്ഥാനത്ത് തുടരുന്ന മുകേഷിന്റെ നടപടി പരിഹാസ്യമാണ്. സ്ത്രീത്വത്തെ അപമാനിച്ച മുകേഷ്, എംഎല്എ സ്ഥാനം ഒഴിയണം .
എല്ലാവരെയും ഉള്ക്കൊണ്ടുവേണം അമ്മയുടെ പുതിയ ഭരണ സമിതി മുന്പോട്ട് പോകാന്. സ്ത്രീകളും ഭരണസാരഥ്യത്തിലുണ്ടാകണം. കേരളത്തിലെ സംഭവങ്ങള് ഭാഷാ ഭേദമില്ലാതെ ചലച്ചിത്ര മേഖലയുടെ നവീകരണത്തിനടയാക്കട്ടെയെന്നും സുപര്ണ്ണ പറഞ്ഞു.
വൈശാലി, ഞാന് ഗന്ധര്വ്വന് തുടങ്ങിയ ചിത്രങ്ങളിലൂടെ മലയാളിയുടെ മനം കവര്ന്ന സുപര്ണ ആനന്ദ് കേവലം നാല് സിനിമകളിലൂടെ മലയാളിയുടെ മനസിലേക്ക് ചേക്കേറി. വൈശാലിയും, ഞാന് ഗന്ധര്വ്വനുമടക്കം സിനിമകള് നല്കിയ താരപ്രഭയില് നില്ക്കുമ്പോഴാണ് പെട്ടെന്ന് സുപർണ സിനിമ ഉപേക്ഷിച്ചത് .
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.