ആലപ്പുഴയില്‍ മകൻ അമ്മയെ മർദിച്ചു കൊ ലപ്പെടുത്തി

ആലപ്പുഴ കായംകുളത്തു മകൻ അമ്മയെ മർദിച്ചു കൊലപ്പെടുത്തി. പുതുപ്പള്ളി മഹിളമുക്ക് പണിക്കശ്ശേരി ശാന്തമ്മ (71) ആണ് കൊല്ലപ്പെട്ടത്. ഇളയ മകൻ ബ്രഹമദേവനാണ് (43) അമ്മയെ മർദിച്ചു കൊലപ്പെടുത്തിയത്. ഇയാളെ കായംകുളം പൊലീസ് കസ്റ്റഡിയിൽ എടുത്തു.

മർദ്ദനമേറ്റ ശാന്തമ്മ സംഭവ സ്ഥലത്ത് വെച്ചു തന്നെ മരിച്ചു. ശാന്തമ്മയുടെ വീടിന് സമീപത്ത് അമ്പലത്തിൽ ഉത്സവം നടക്കുന്നുണ്ടായിരുന്നു. ഉത്സവ പറമ്പിൽ ഭക്ഷണം കഴിക്കുന്നതിനിടെ ശാന്തമ്മ നാട്ടുകാരിൽ ചിലരുമായി വഴക്കിട്ടു. ഇതിനെ തുടർന്ന് പ്രകോപിതനായ മകൻ അമ്മയെയും വിളിച്ച് വീട്ടിലേക്ക് പോയി. തുടര്‍ന്ന് ഇയാള്‍ അമ്മയെ മർദ്ദിക്കുകയായിരുന്നു. വയറിൽ അടിയേറ്റ ശാന്തമ്മ തൽക്ഷണം തന്നെ മരിക്കുകയായിരുന്നുവെന്ന് പൊലീസ് പറയുന്നു.

Eng­lish Sum­ma­ry: man kills his 71 year old mother
You may also like this video