വിഴിഞ്ഞത്ത് മണ്ണിടിഞ്ഞ് 90 അടി താഴ്ചയുള്ള കിണറ്റില് അകപ്പെട്ട നിർമ്മാണത്തൊഴിലാളിയെ പുറത്തെടുക്കുന്നതിനു ശ്രമം തുടരുന്നു. ശനിയാഴ്ച രാവിലെ 10ന് തുടങ്ങിയ രക്ഷാപ്രവർത്തനം മണിക്കൂറുകള് പിന്നിട്ടും തുടരുകയാണ്.
വെങ്ങാനൂര് നീലകേശി റോഡ് നെല്ലിത്തറ വീട്ടില് മഹാരാജന് (55) ആണ് ജോലിക്കിടെ മണ്ണിടിഞ്ഞ് കിണറിനുള്ളില് കുടുങ്ങിയത്.
വിഴിഞ്ഞം മുക്കോലയിലെ ഒരു വീട്ടുവളപ്പിലെ കിണര് വൃത്തിയാക്കുന്നതിനിടെയാണ് അപകടം. കിണറ്റിലേക്കു വീണ മഹാരാജന്റെ ദേഹത്ത് 15 അടിയോളം പൊക്കത്തില് മണ്ണിടിഞ്ഞു വീഴുകയായിരുന്നു. റിങ്ങുകളും പൊട്ടിവീണു. മണ്ണ് നീക്കാനുള്ള ശ്രമം തുടരുകയാണ്. പൊലീസും ഫയര്ഫോഴ്സും പ്രദേശത്തെ കിണർവെട്ട് തൊഴിലാളികളും സന്നദ്ധപ്രവർത്തകരും നാട്ടുകാരും ചേര്ന്നാണ് രക്ഷാപ്രവർത്തനം നടത്തുന്നത്.
English Summary: Man trapped inside well in vizhinjam for nearly 30 hours rescue efforts continue
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.