3 April 2025, Thursday
KSFE Galaxy Chits Banner 2

മാഞ്ചസ്റ്റര്‍ സിറ്റി സെമിയില്‍

Janayugom Webdesk
ലണ്ടന്‍
March 31, 2025 9:49 pm

എഫ്എ കപ്പ് ഫുട്ബോളില്‍ സെമിഫൈനല്‍ ലൈനപ്പായി. ക്വാര്‍ട്ടര്‍ ഫൈനലില്‍ ബേണ്‍മൗത്തിനെ ഒന്നിനെതിരെ രണ്ട് ഗോളുകള്‍ക്ക് തോല്പിച്ച് മാഞ്ചസ്റ്റര്‍ സിറ്റി സെമിയില്‍ കടന്നു. നോട്ടിങ്ഹാം ഫോറസ്റ്റാണ് സെമിയില്‍ സിറ്റിയുടെ എതിരാളി. ഈ മാസം 26നാണ് മത്സരം. 

ഒരു ഗോളിന് പിന്നില്‍ നിന്ന ശേഷമാണ് രണ്ടടിച്ച് സിറ്റി വിജയം നേടിയത്. 21-ാം മിനിറ്റില്‍ ഇവാനില്‍സണിലൂടെയാണ് ബേണ്‍മൗത്ത് ലീഡ് നേടിയത്. എന്നാല്‍ ആദ്യ പകുതിയില്‍ ഈ ഗോളിന് മറുപടി നല്‍കാന്‍ സിറ്റിക്കായില്ല. 49-ാം മിനിറ്റില്‍ എര്‍ലിങ് ഹാളണ്ടാണ് സിറ്റിക്ക് ആശ്വാസമായി സമനില ഗോളെത്തിച്ചത്. 63-ാം മിനിറ്റില്‍ ഒമര്‍ മര്‍മൗഷ് സിറ്റിയുടെ രണ്ടാം ഗോളും നേടി സെമിബെര്‍ത്ത് ഉറപ്പിച്ചു. മറ്റൊരു മത്സരത്തില്‍ പ്രെസ്റ്റോണിനെ തോല്പിച്ച ആസ്റ്റണ്‍ വില്ലയും സെമിയിലേക്ക് കടന്നു. ഏകപക്ഷീയമായ മൂന്ന് ഗോളുകള്‍ക്കാണ് വില്ലയുടെ വിജയം. മാര്‍ക്കസ് റാഷ്‌ഫോര്‍ഡ് ഇരട്ടഗോളുകളുമായി തിളങ്ങി. ജേക്കബ് റാംസെയാണ് മറ്റൊരു സ്കോറര്‍. ക്രിസ്റ്റല്‍ പാലസാണ് സെമിയില്‍ വില്ലയുടെ എതിരാളി. 

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.