നിയമ ബിരുദ കോഴ്‌സില്‍ മനുസ്മൃതി പഠിപ്പിക്കാനുള്ള നീക്കത്തില്‍ നിന്നും പിന്മാറി ഡല്‍ഹി സര്‍വകലാശാല. കടുത്ത പ്രതിഷേധത്തിന് പിന്നാലെ നിര്‍ദേശം ഡല്‍ഹി യൂണിവേഴ്‌സിറ്റി വൈസ് ചാന്‍സലര്‍ തള്ളിയതായി കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ അറിയിച്ചു. ഇത്തരമൊരു നിര്‍ദേശത്തെ അക്കാദമിക് കൗണ്‍സിലില്‍ ആരും അനുകൂലിച്ചില്ലെന്നും മന്ത്രി പറഞ്ഞു. മനുസ്മൃതി ആധാരമായുള്ള രണ്ട് പാഠഭാഗങ്ങള്‍ സിലബസില്‍ ഉള്‍പ്പടുത്തിനായിരുന്നു നീക്കം. ജിഎന്‍ ഝാ തയാറാക്കിയ മനുസ്മൃതി, ടി. കൃഷ്ണസ്വാമി അയ്യരുടെ ‘സ്മൃതിചന്ദ്രിക: മനുസ്മൃതി വ്യാഖ്യാനം’ എന്നിവ എല്‍എല്‍ബി സിലബസില്‍ ഉള്‍പ്പെടുത്താനായിരുന്നു നിയമവകുപ്പ് അധ്യാപകരുടെ യോഗത്തിലെ തീരുമാനം. ഇതിനെതിരെ അധ്യാപക‑വിദ്യാര്‍ത്ഥി സംഘടനകള്‍ പ്രതിഷേധമുയര്‍ത്തിയിരുന്നു. എന്നാല്‍ പിന്നീട് അക്കാദമിക് കൗണ്‍സില്‍ നിര്‍ദേശം തള്ളിയെന്ന് ഡല്‍ഹി സര്‍വകലാശാലാ വൈസ് ചാന്‍സലര്‍ യോഗേഷ് സിങ് വിശദീകരിച്ചിരുന്നു.
English Summary:Manusmriti study: Delhi University withdraws move
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.