സംസ്ഥാനത്ത് കോവിഡ് കേസുകൾ കൂടി വരുന്ന പശ്ചാത്തലത്തിൽ മാസ്ക് പരിശോധന കർശനമാക്കാൻ എസ്പിമാർക്ക് നിർദേശം. പൊതുയിടങ്ങളിൽ മാസ്ക് ധരിക്കാത്തവർക്കെതിരെ കർശന നടപടി സ്വീകരിക്കാൻ എഡിജിപി വിജയ് സാഖറെയാണ് നിർദേശം നൽകിയത്.
നിലവിൽ സംസ്ഥാനത്ത് കോവിഡ് കേസുകൾ കൂടി വരികയാണ്. കഴിഞ്ഞ ഏതാനും ദിവസങ്ങളായി 2500ന് മുകളിലാണ് പ്രതിദിന കോവിഡ് രോഗികൾ എണ്ണം.
എറണാകുളത്തും തിരുവനന്തപുരത്തുമാണ് ഏറ്റവുമധികം രോഗികൾ. ഈ രണ്ടു സ്ഥലങ്ങളിൽ പ്രതിദിനം ശരാശരി ആയിരം പേർക്കാണ് രോഗം പിടിപെടുന്നത്. ഈ പശ്ചാത്തലത്തിലാണ് മാസ്ക് പരിശോധന കർശനമാക്കാൻ എഡിജിപി നിർദേശം നൽകിയത്.
പൊതുസ്ഥലങ്ങൾ, യാത്രാവേള, യോഗങ്ങൾ എന്നിവിടങ്ങളിൽ മാസ്ക് നിർബന്ധമായി ധരിക്കണം. അല്ലാത്തവർക്കെതിരെ ശക്തമായ നടപടി സ്വീകരിക്കാനാണ് എഡിജിപി എസ്പിമാർക്ക് നിർദേശം നൽകിയത്. സർക്കാരിന്റെ നിർദേശപ്രകാരമാണ് നടപടി കടുപ്പിക്കാൻ എഡിജിപി തീരുമാനിച്ചത്.
English summary;Mask inspection is being tightened in the state
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.