മാളുകളും ടര്ഫുകളും കേന്ദ്രീകരിച്ച് എംഡിഎംഎ വിൽപന നടത്തുന്ന രണ്ട് യുവാക്കൾ കോഴിക്കോട് പിടിയിലായി. കോഴിക്കോട് പൊക്കുന്ന് കുററിയില് താഴം സ്വദേശി പള്ളിക്കണ്ടി ഹൗസില് മുഹമ്മദ് ഫാരിസ്(29), കുണ്ടുങ്ങല് നടയിലത്ത് പറമ്പ് കൊത്തുകല്ല് സ്വദേശി ഫാഹിസ് റഹ്മാന്(30) എന്നിവരെയാണ് സിറ്റി ഡാന്സാഫും കസബ പൊലീസും ചേര്ന്ന് പിടികൂടിയത്. പാളയം തളി ഭാഗത്ത് ലഹരി വില്പന നടത്തുന്നതിനിടയിലാണ് ഇവരെ അറസ്റ്റ് ചെയ്തത്.
16 ഗ്രാം എംഡിഎംഎയും കണ്ടെത്തിയിട്ടുണ്ട്. ഫാരിസ് പെരുമണ്ണയിലും ഹാഫിസ് റഹ്മാന് കൊമ്മേരി റേഷന് കടയ്ക്ക് സമീപത്തുമാണ് ഇപ്പോള് താമസിക്കുന്നത്. 2022ല് എടുത്ത എക്സൈസ് കേസില് ഫാരിസ് തടവുശിക്ഷ അനുഭവിച്ചിട്ടുണ്ട്. ഡാന്സാഫ് എസ്ഐ മനോജ് എടയിടത്ത്, കസബ എസ്ഐമാരായ ജഗ്മോഹന് ദത്ത്, സജിത്ത് മോന്, അനില് കുമാര് തുടങ്ങിയവരുടെ നേതൃത്വത്തിലാണ് രണ്ട് പേരെയും പിടികൂടിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.