തിരുവോണ ദിവസം ജോലിചെയ്യുന്ന ആരോഗ്യ പ്രവര്ത്തകര്ക്ക് പിന്തുണയറിയിച്ച് ആരോഗ്യ വകുപ്പ് മന്ത്രി വീണാ ജോര്ജ്. തിരുവനന്തപുരം മെഡിക്കല് കോളേജിലും എസ്എടിയിലും ജനറല് ആശുപത്രിയിലും സന്ദര്ശനം നടത്തി. ലാസ്റ്റ് ഗ്രേഡ് ജീവനക്കാര്ക്ക് ഓണ സമ്മാനവും നല്കിയാണ് മന്ത്രി മടങ്ങിയത്. 150 ഓളം ലാസ്റ്റ് ഗ്രേഡ് ജീവനക്കാരാണ് മെഡിക്കല് കോളജിലും എസ്എടിയിലുമായി തിരുവോണ ദിവസം ആദ്യ ഷിഫ്റ്റില് സേവനമനുഷ്ഠിച്ചത്. അവര്ക്ക് മന്ത്രി വസ്ത്രങ്ങള് സമ്മാനിച്ചു. മെഡിക്കല് കോളജ് സൂപ്രണ്ട് ഡോ. നിസാറുദീന് മന്ത്രിക്കൊപ്പമുണ്ടായിരുന്നു.
ആരോരുമില്ലാത്തവര് സംരക്ഷിക്കപ്പെടുന്ന തിരുവനന്തപുരം ജനറല് ആശുപത്രി ഒമ്പതാം വാര്ഡിലും മന്ത്രി സന്ദര്ശനം നടത്തി. അവര്ക്ക് മന്ത്രി വസ്ത്രങ്ങള് സമ്മാനിച്ചു. ആരോഗ്യ പ്രവര്ത്തകരെയും രോഗികളെയും കൂട്ടിരുപ്പുകാരെയും കണ്ടു. ഒപ്പം അവര്ക്ക് ഓണ സദ്യ വിളമ്പിക്കൊടുക്കുകയും ചെയ്തു.
English Summary: Minister Veena George visited hospital
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.