മിഷൻ മദർ മേരി ഗ്രൂപ്പിന്റെ ലോഗോ പ്രകാശനം കുവൈറ്റ് സിറ്റി ഹോളി ഫാമിലി കോ-കത്തീഡ്രലിൽ നടന്നു. നോർത്തേൺ അറേബ്യ അപ്പസ്തോലിക് വികാരി എച്ച്.ഇ. ബിഷപ്പ് ആൾദോ ബെറാർഡി ലോഗോ പ്രകാശനം നിർവ്വഹിച്ചു. ‘പരിശുദ്ധ കന്യകാമറിയത്തിലൂടെ യേശുക്രിസ്തുവിലേക്ക്’ എന്ന ലക്ഷ്യത്തോടെ 2023‑ൽ കുവൈറ്റിൽ ആരംഭിച്ച മിഷൻ നിലവിൽ ഇന്ത്യ, ന്യൂസിലാൻഡ്, യു എസ് എ, ഒമാൻ, യു എ ഇ, അയർലൻഡ് എന്നീ രാജ്യങ്ങളിൽ പ്രവർത്തിക്കുന്നുണ്ട്.
ആത്മീയ പ്രവർത്തനങ്ങൾക്കൊപ്പം ഇന്ത്യയിലെ നിർദ്ധനർക്ക് ഭക്ഷണവിതരണം, ചികിത്സാ സഹായം, ഭവന നിർമ്മാണം, കുട്ടികൾക്ക് പഠനോപകരണങ്ങൾ നൽകൽ തുടങ്ങിയ കാരുണ്യപ്രവർത്തനങ്ങളും മിഷൻ ഗ്രൂപ്പ് നടത്തിവരുന്നു. ചടങ്ങിൽ മിഷൻ കോ-ഓർഡിനേറ്റർ ബാബു ഫ്രാൻസീസ്, സെക്രട്ടറി പ്രിൻസ് കൊല്ലപ്പിള്ളിൽ എന്നിവരുൾപ്പെടുന്ന കോർകമ്മിറ്റി അംഗങ്ങൾ പങ്കെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.