രാജ്യത്ത് ആള്ക്കൂട്ട കൊലപാതകമെന്ന ക്രൂരതയ്ക്ക് തുടക്കമായ മുഹമ്മദ് അഖ്ലഖിനെ ആൾക്കൂട്ടം മർദ്ദിച്ചുക്കൊന്ന കേസിൽ ഉത്തർ പ്രദേശ് സർക്കാരിന് കോടതിയുടെ തിരിച്ചടി. പ്രതികൾക്കെതിരായ കുറ്റങ്ങൾ പിൻവലിക്കാനുള്ള സർക്കാരിന്റെ അപേക്ഷ കോടതി തള്ളുകയായിരുന്നു. നിയമപരമായ അടിസ്ഥാനമില്ലെന്ന് ചൂണ്ടിക്കാട്ടിക്കൊണ്ട് ഗ്രേറ്റർ നോയിഡയിലെ സൂരജ്പുർ കോടതിയാണ് ഹർജി തള്ളിയത്. വിചാരണ വേഗത്തിൽ ആക്കാനും കോടതി നിർദേശിച്ചു. ദിവസേന വാദം കേട്ട് വിചാരണ പൂർത്തിയാക്കണമെന്നും നിര്ദേശം നല്കി.
യു പി ദാദ്രിയില് അഖ്ലഖിന്റെ വീട്ടിൽ പശുഇറച്ചി സൂക്ഷിച്ചെന്ന് പ്രചരിപ്പിച്ചാണ് 2015 സെപ്തംബർ 28ന് ആൾക്കൂട്ടം ഇദ്ദേഹത്തെ മര്ദിച്ച് കൊലപ്പെടുത്തിയത്. ബിജെപി നേതാവിന്റെ മകനുള്പ്പെടെയുളള പ്രതികള്ക്കെതിരെ കുറ്റപത്രം പിന്വലിക്കാന് സൂരജ് പൂര് കോടതിയില് സര്ക്കാര് അപേക്ഷ നല്കിയത് ഇക്കഴിഞ്ഞ നവംബർ മാസത്തിലായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.