മുല്ലപ്പെരിയാര് അണക്കെട്ടുമായി ബന്ധപ്പെട്ട ഉന്നതാധികാരസമിതി റിപ്പോര്ട്ടിലെ ശുപാര്ശകള് നടപ്പാക്കാന് കേരളത്തിനും തമിഴ്നാടിനും നിര്ദേശം നല്കി സുപ്രീംകോടതി. ഇതു സംബന്ധിച്ച് എന്തെങ്കിലും പരാതികളുണ്ടെങ്കിൽ ഇരു സർക്കാരുകളും രണ്ടാഴ്ച്ചയ്ക്കുള്ളിൽ അറിയിക്കണമെന്നും സുപ്രീംകോടതി പറഞ്ഞു.
മുല്ലപ്പെരിയാര് അണക്കെട്ടിലെ ബേബി ഡാം ശക്തിപ്പെടുത്തുന്നതിനായി മരങ്ങള് മുറിക്കണം എന്നത് ഉള്പ്പെടെയുള്ള കാര്യങ്ങള്ക്ക് അനുമതി നല്കണമെന്നാണ് തമിഴ്നാട് സര്ക്കാര് കോടതിയില് ആവശ്യപ്പെട്ടിരുന്നത്. ഇതിനുള്ള അനുമതി ലഭിക്കണമെങ്കിൽ കേന്ദ്ര സർക്കാരിന് അപേക്ഷ നൽകണം.അങ്ങനെ തമിഴ്നാട് അപേക്ഷ സമർപ്പിച്ചാൽ കേരളത്തിൽ നിർമാണ പ്രവർത്തനങ്ങൾക്കുള്ള നടപടികൾ വേഗത്തിലാക്കണമെന്നും ശുപാർശയിൽ പറയുന്നു.
ഇതിനുപുറമേ, അണക്കെട്ടിന്റെ അറ്റകുറ്റ പണികള്ക്ക് അനുമതി നല്കുക, അണക്കെട്ടിലേക്ക് പോകുന്ന ഗാട്ട് റോഡിന്റെ നവീകരണം നടത്തുക തുടങ്ങിയ നിർദേശങ്ങളഉം ശുപാർശയിൽ ഉണ്ട്. ഉന്നതാധികാര സമിതിയുടെ ഈ ശുപാര്ശകള് നടപ്പിലാക്കാന് ഇരുസംസ്ഥാനങ്ങള്ക്കും ഉത്തരവാദിത്തമുണ്ടെന്നാണ് സുപ്രീംകോടതി ഇന്ന് വ്യക്തമാക്കിയത്.
ഉദ്യോഗസ്ഥ തലത്തിലുള്ള വീഴ്ചകള് വരുത്താന് പാടില്ലെന്നും കേരളവും തമിഴ്നാടും കോടതി ഉത്തരവ് നടപ്പിലാക്കാനുള്ള നടപടികള് വൈകാതെ സ്വീകരിക്കണം എന്നും സുപ്രീംകോടതി ആവശ്യപ്പെട്ടു.
അതേസമയം, പുതിയ അണക്കെട്ട് എന്ന ആവശ്യം കേരളം ഇന്ന് സുപ്രീംകോടതിയില് ഉന്നയിച്ചിരുന്നു. എന്നാല്, ഇപ്പോള് ഉന്നതാധികാര സമിതി മുന്നോട്ടുവെച്ചിട്ടുള്ള ശുപാര്ശകളുടെ നടത്തിപ്പുമായി മുന്നോട്ടുപോകാനാണ് കോടതി നിര്ദേശിച്ചത്. സംസ്ഥാനങ്ങള്ക്ക് എന്തെങ്കിലും തരത്തിലുള്ള എതിര്പ്പുണ്ടെങ്കില് അത് കേള്ക്കുന്നതിനായി ഈ മാസം 19‑ന് വീണ്ടും കോടതി ഈ ഹര്ജിയില് വാദം കേള്ക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.