16 March 2025, Sunday
KSFE Galaxy Chits Banner 2

Related news

March 15, 2025
March 12, 2025
March 10, 2025
March 3, 2025
March 2, 2025
March 1, 2025
February 28, 2025
February 26, 2025
February 17, 2025
February 17, 2025

മുസ്ലിങ്ങള്‍ പാറ്റകളാണ്, കൊല്ലണം: വിദ്വേഷ പ്രസ്താവനയുമായി എംഎല്‍എ

Janayugom Webdesk
ന്യൂഡല്‍ഹി
March 14, 2023 9:21 am

മുസ്ലിങ്ങൾ വെറും കീടങ്ങളും പാറ്റകളുമാണെന്നും ഹിന്ദു രാഷ്ട്രം ഉണ്ടാകുന്നതിനായി ഇവയെ കൊല്ലേണ്ടത് അനിവാര്യമാണെന്നും ബിജെപി ടിക്കറ്റില്‍ വിജയിച്ച തെലങ്കാന എംഎൽഎ. മുഹമ്മദ് നബിയെ അപമാനിച്ച് നടത്തിയ പരാമര്‍ശം വിവാദമായതോടെ 2022 ഓഗസ്റ്റ് 23മുതല്‍ സഭയില്‍ നിന്ന് സസ്‌പെൻഷനിലാണ് രാജാ സിങ്.

കഴിഞ്ഞ ദിവസം ആയിരക്കണക്കിന് ആളുകൾ പങ്കെടുത്ത പരിപാടിക്കിടെയായിരുന്നു രാജാസിങ്ങിന്റെ മുസ്ലിം വിരുദ്ധ വിദ്വേഷ പ്രസ്താവന. ഹിന്ദുരാഷ്ട്രം വേണമെങ്കിൽ, ഹിന്ദു മതത്തെ സംരക്ഷിക്കണമെങ്കിൽ ബജ്റംഗ്ദളിനെ ബന്ധപ്പെടമെന്നും ബിജെപിയോട് ഇടഞ്ഞുനില്‍ക്കുന്ന രാജാ സിങ് ആവശ്യപ്പെട്ടു.

 

ഹൈദരാബാദിലെ ഗോഷാമഹൽ നിയമസഭാ മണ്ഡലത്തെ പ്രതിനിധീകരിച്ചാണ് സിങ് നിയമസഭയിലെത്തിയത്. 2014ല്‍ ബിജെപിയില്‍ ചേരുന്നത് വരെ തെലുങ്ക് ദേശം പാർട്ടിയുടെ പ്രതിനിധിയായും സഭയിലുണ്ടായിരുന്നു.

Eng­lish Sum­ma­ry: Mus­lims are cock­roach­es, should be killed: MLA with hate speech

You may also like this video

YouTube video player

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.