പുതുപ്പളളി ഉപതെരഞ്ഞെടുപ്പില് ബിജെപി വോട്ട് യുഡിഎഫ് വാങ്ങിയോയെന്ന് സംശയമുണ്ടെന്ന് സിപിഐ(എം) സംസ്ഥാന സെക്രട്ടറി എം വി ഗോവിന്ദന്.ബിജെപിയുടെ വോട്ടുവാങ്ങാതെ യുഡിഎഫ് സ്ഥാനാര്ത്ഥി ചാണ്ടി ഉമ്മന് വിജയിക്കാനാവില്ല. യുഡിഎഫ് ബിജെപി വോട്ട് വാങ്ങിയിട്ടില്ലെങ്കില് എല്ഡിഎഫ് പുതുപ്പള്ളിയില് വിജയിക്കുമെന്നും ഗോവിന്ദന് അഭിപ്രായപ്പെട്ടു.
ആരു ജയിക്കും, തോല്ക്കും എന്നത് വസ്തുനിഷ്ടമായിരിക്കുകയാണ്. ഇനി വെറുതേ അവകാശവാദങ്ങള് ഉന്നയിക്കേണ്ട കാര്യമില്ല. വലിയ അവകാശവാദമൊന്നും ഉന്നയിക്കുന്നില്ലെന്ന് ആദ്യമേ പറഞ്ഞതാണ്. വലിയ രീതിയിലുള്ള സംഘടന- രാഷ്ട്രീയപ്രവര്ത്തനത്തിന്റെ ഭാഗമായി ജയിക്കാന് സാധ്യതയുണ്ടെന്ന് തന്നെയാണ് നേരത്തേയും പറഞ്ഞത്.
പോളിങ് കഴിഞ്ഞപ്പോഴും അതുതന്നെയാണ് പറയാനുള്ളതെന്ന് അദ്ദേഹം പറഞ്ഞു.താഴെത്തട്ടിലെ കണക്കെല്ലാം കിട്ടിയിട്ടുണ്ട്. പ്രശ്നം ഇത്രയേയുള്ളൂ, ബിജെപിക്ക് വോട്ടുള്ള മണ്ഡലമാണ്.ആ ബിജെപി വോട്ട് യുഡിഎഫ്. വാങ്ങിയോ എന്ന് നല്ല സംശയമുണ്ട്. വോട്ടെണ്ണുമ്പോള് മാത്രമേ അത് മനസിലാകുകയുള്ളൂ.
ബിജെപി വോട്ട് വാങ്ങാതെ ചാണ്ടി ഉമ്മന് ജയിക്കില്ല. വാങ്ങിയിട്ടില്ലെങ്കില് ഞങ്ങള് ജയിക്കും. അദ്ദേഹം വ്യക്തമാക്കി .ആരു ജയിച്ചാലും വലിയ ഭൂരിപക്ഷമൊന്നും ഉണ്ടാവില്ല. വളരെ ചെറിയ ഭൂരിപക്ഷമേ ഉണ്ടാകുകയുള്ളൂവെന്നും ഗോവിന്ദന് പറഞ്ഞു
English Summary:
MV Govindan doubts whether BJP bought UDF votes in Pudupalli by-election
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.