അർജന്റീനൻ ടീമിനെ നിരാകരിച്ച് ദേശിയ ഫുട്ബോൾ ഫെഡറേഷൻ; സ്വാഗതം ചെയ്ത് കേരളം

ഇന്ത്യൻ ഫുട്ബോൾ ഫെഡറേഷൻ നിരാകരിച്ച അർജൻ്റീനൻ ഫുട്ബോൾ ടീമിനെ കേരളത്തിലേക്ക് സ്വാഗതം ചെയ്ത് കായിക മന്ത്രി വി.അബ്ദു റഹ്മാൻ. അർജന്റീന അംബാസിഡറെ നേരിട്ട് ബന്ധപ്പെടുകയും ഫുട്ബോൾ സഹകരണത്തിനുള്ള താൽപ്പര്യം അറിയിക്കുകയും ചെയ്തായും അദ്ദേഹം ഫേസ്ബുക്കിൽ കുറിച്ചു.

അർജന്റീനയെ കേരളം എന്നും ഹൃദയപൂർവ്വം സ്വാഗതം ചെയ്യും. മത്സരം ഏറ്റെടുത്ത് നടത്താനും തയ്യാറാകും. അതു തന്നെയാണ് നമ്മുടെ ഫുട്ബോളിന് നൽകാവുന്ന ഏറ്റവും വലിയ സമ്മാനമെന്നും മന്ത്രി ഫെയ്സ്ബുക്ക് കുറിപ്പിലൂടെ വ്യക്തമാക്കി

മൂന്ന് മാസം മുമ്പ് അർജന്റിന ഇന്ത്യയിൽ കളിക്കാൻ താൽപ്പര്യം പ്രകടിപ്പിച്ച കാര്യവും ഓൾ ഇന്ത്യ ഫുട്ബോൾ ഫെഡറേഷൻ അത് നിരാകരിച്ചതും മന്ത്രി പോസ്റ്റിൽ ചൂണ്ടിക്കാട്ടി. മത്സരത്തിനുള്ള ചെലവ് താങ്ങാൻ കഴിയില്ല എന്നാണ് ഇതിന് കാരണം പറഞ്ഞത്. റാങ്കിംഗിന് പിന്നിലുള്ള ഇന്ത്യ അർജന്റീനയോട് കളിച്ചാൽ ഫലം ദയനീയമാകുമോ എന്ന ആശങ്കയും എ ഐ എഫ് എഫ് പങ്കുവെച്ചതായി മന്ത്രി വ്യക്തമാക്കി.

eng­lish sum­ma­ry; Nation­al Foot­ball Fed­er­a­tion rejects Argen­tine team; Wel­come to Kerala

you may also like this video;