സൗദിയിലെ കിഴക്കന് പ്രവിശ്യയില് പുതിയ എണ്ണ വാതക ശേഖരങ്ങള് കണ്ടെത്തി. ക്രൂഡ് ഓയിലിനൊപ്പം പ്രകൃതി വാതക ശേഖരവും അടങ്ങുന്നതാണ് പുതിയ പാടങ്ങള് എന്ന പ്രത്യേകതയുമുണ്ട്. പ്രദേശത്ത് പര്യവേഷണം തുടരുകയാണെന്ന് സൗദി ഊര്ജമന്ത്രി അബ്ദുള് അസീസ് ബിന് സല്മാന് ബിന് അബ്ദുള് അസീസ് രാജകുമാരന് വ്യക്തമാക്കി.
ദേശീയ എണ്ണക്കമ്പനിയായ സൗദി അരാംകോ സ്ഥിതി ചെയ്യുന്ന കിഴക്കന് പ്രവിശ്യയിലെ റുബുഹുല്ഖാലി മരുഭൂമിയിലും ദഹ്റാനിന്റെ വിവിധ മേഖലകളിലുമാണ് പുതിയ എണ്ണ പാടങ്ങളുള്ളത്. പ്രതിദിനം മുപ്പത് ദശലക്ഷം ഘനയടി ബാരല് ക്രൂഡ് ഓയില് ഖനനം നടത്താവുന്ന കിണറുകളാണ്. ഒപ്പം 3.1 ദശലക്ഷം ക്യുബിക് ഫീറ്റ് പ്രകൃതി വാതക ശേഖരവും ഇവിടെ സ്ഥിതി ചെയ്യുന്നുണ്ട്.
അല്ഹൈറാന്, അല്മഹാക്കീക്ക്, അസ്രിക, ഷാദൂന്, മസാലീഗ്, അല്വദീഹി ഭാഗങ്ങളിലും പുതിയ പാടങ്ങള് കണ്ടെത്തിയിട്ടുണ്ട്. എണ്ണ പാടങ്ങളുടെ വലുപ്പവും അളവും നിര്ണ്ണയിക്കുന്നതിനുള്ള സൗദി അരാംകോയുടെ പര്യവേഷണം തുടരുകയാണെന്നും ഊര്ജ മന്ത്രി വ്യക്തമാക്കി.
English Summary:New oil fields were discovered in Saudi Arabia
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.