ആലപ്പുഴ നഗരത്തിലെ കനാല് സൗന്ദര്യ വല്ക്കരണത്തിനൊപ്പം മാലിന്യ മുക്ത നവകേരളം പദ്ധതിയുടെ പ്രചരണാര്ത്ഥം നഗരത്തിലെ പ്രധാന വഴിയിടങ്ങള് വരയിലൂടെ നഗരത്തിന്റെ സാംസ്കാരിക അടയാളവും, ശുചിത്വ സന്ദേശം പകരുന്നതുമായ രീതിയില് മനോഹരമാക്കുന്നു.
മാലിന്യ മുക്ത സന്ദേശം പകരുന്നതും, ആലപ്പുഴയുടെ പൈതൃകം വിളിച്ചോതുന്നതും, പഴയകാല കലാരൂപങ്ങളെ അനുസ്മരിക്കുന്നതുമായ ചിത്രങ്ങളാണ് വരവഴികളിലൂടെ പദ്ധതിയുടെ ഭാഗമായി നഗരത്തിലെ പ്രധാന ചുവരുകളില് ഒരുക്കിയിരിക്കുന്നത്.
എസ്ഡിവി സ്കൂള് മതില്, കനാല് കരയോട് ചേര്ന്നുള്ള മതിലുകള് തുടങ്ങിയ ഇടങ്ങളിലാണ് പ്രാഥമിക ഘട്ടത്തില് ചിത്രങ്ങളൊരുക്കി വരുന്നത്.
സ്വച്ഛ് ഭാരത് മിഷന്റെ ഐ ഇ സി ഫണ്ട് ഉപയോഗിച്ചാണ് നഗരസഭ പ്രവര്ത്തി നടപ്പാക്കുന്നത്. രണ്ടാം ഘട്ടമെന്ന നിലയില് ജനറല് ആശുപത്രി ജംഗ്ഷന് മുതല് സക്കരിയ ബസാര് വരെയുള്ള വൈറ്റ് ടോപ്പിംഗ് റോഡിന്റെ ഇരുവശവുമുള്ള പ്രധാന ചുവരുകളും, ജില്ലാകോടതി പാലം മുതല് പുന്നമട ബോട്ട് ജെട്ടിവരെയുള്ള മതിലുകളും, മരങ്ങളും, നഗരത്തിലെ നടപ്പാലങ്ങളും മനോഹരമായ ചിത്രങ്ങളാല് ആകര്ഷകമാക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.