ബിഹാര് മുഖ്യമന്ത്രി നിതീഷ് കുമാറിനെ ജെഡിയു ദേശീയ അധ്യക്ഷനായി തെരഞ്ഞെടുത്തു. അധ്യക്ഷനായിരുന്ന ലാലന് സിങ് രാജി വച്ചതിനെ തുടര്ന്നാണ് നിതീഷിനെ ഈ സ്ഥാനത്തേക്ക് തെരഞ്ഞെടുത്തത്. ഡല്ഹിയില് ചേര്ന്ന ദേശീയ എക്സിക്യൂട്ടീവ് യോഗത്തിലാണ് നിതീഷിനെ പാര്ട്ടി അധ്യക്ഷനായി ഏകകണ്ഠമായി തെരഞ്ഞെടുത്തത്. നിതീഷ് ‘ഇന്ത്യ’ സഖ്യത്തിന്റെ പ്രധാനമന്ത്രി സ്ഥാനാര്ത്ഥിയാകണമെന്നാണ് ആഗ്രഹമെന്നും അതിനാണ് പാര്ട്ടി അധ്യക്ഷനാക്കിയതെന്നും പാര്ട്ടി ജനറല് സെക്രട്ടറി ധനഞ്ജയ് സിങ് പറഞ്ഞു.
2016 മുതല് 2020വരെ ജെഡിയുവിന്റെ ദേശീയ അധ്യക്ഷനായിരുന്നു നിതീഷ്. ലാലന് സിങ് എന്നറിയപ്പെടുന്ന ലോക്സഭാ എംപി കൂടിയായ രാജീവ് രഞ്ജന് സിങ് 2021ലാണ് അധ്യക്ഷ സ്ഥാനത്തെത്തുന്നത്. നിതീഷുമായി പോര് നടത്തിയ ചരിത്രമുള്ള ലാലന് സിങ് 2010ല് പാര്ട്ടിയുമായി തെറ്റിപ്പിരിഞ്ഞിരുന്നു. രാജീവ് രഞ്ജന് സിങിന്റെ പാര്ലമെന്റ് അംഗത്വം റദ്ദാക്കണമെന്ന് ജെഡിയു ആവശ്യപ്പെട്ടെങ്കിലും 2013ല് നിതീഷ് കുമാറുമായി വീണ്ടും അടുത്തതോടെ ഈ നീക്കത്തില് നിന്ന് പിന്മാറി. മുൻഗറില് നിന്ന് രണ്ട് തവണ വിജയിച്ച ലാലന് സിങ് മണ്ഡലത്തില് ശ്രദ്ധ കേന്ദ്രീകരിക്കുന്നതിനാണ് രാജിവച്ചതെന്ന് മാധ്യമങ്ങളോട് പ്രതികരിച്ചു.
English Summary;Nitish Kumar JDU National President
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.