ബിഹാര് മുഖ്യമന്ത്രിയായി നിതീഷ് കുമാറിന്റെ സത്യപ്രതിജ്ഞ ഇന്നുനടക്കും. ഉപമുഖ്യമന്ത്രിമാരായി സാമ്രാട്ട് ചൗധരിയും വിജയ് സിന്ഹയും തുടരും. രാജ്ഭവനില് എത്തി ഗവര്ണറെ കണ്ട് സര്ക്കാര് രൂപീകരണത്തിന് നിതീഷ് കുമാര് അവകാശവാദം ഉന്നയിച്ചു. ബിഹാർ മുഖ്യമന്ത്രിയായി പത്താം തവണയാണ് നിതീഷ് കുമാർ സത്യപ്രതിജ്ഞ ചെയ്യുന്നത്. പട്നയില് ചേര്ന്ന എന്ഡിഎ നേതാക്കളുടെ യോഗത്തില് നിതീഷ് കുമാറിനെ കക്ഷി നേതാവായി തെരഞ്ഞെടുത്തു. ജെഡിയുവില് നിന്ന് ഒമ്പത് പേരും ബിജെപിയില് നിന്ന് 10 പേരും മന്ത്രിസഭയിലേക്ക് എത്തിയേക്കും. ചിരാഗ് പാസ്വാന്റെ എല്ജെപിക്ക് മൂന്ന് മന്ത്രിസ്ഥാനങ്ങളും ലഭിക്കും. ഹിന്ദുസ്ഥാനി ആവാം മോര്ച്ചക്കും രാഷ്ട്രീയ ലോക് മോര്ച്ചയ്ക്കും ഓരോ മന്ത്രിമാര് വീതം നല്കും. രാവിലെ 11.30 ന് പട്നയിലെ ഗാന്ധി മൈതാനിയിലാണ് സത്യപ്രതിജ്ഞാ ചടങ്ങുകള്. പ്രധാനമന്ത്രി നരേന്ദ്ര മോഡി, ആഭ്യന്തരമന്ത്രി അമിത് ഷാ, കേന്ദ്ര മന്ത്രിമാര്, എന്ഡിഎ ഭരിക്കുന്ന സംസ്ഥാനങ്ങളില് നിന്നുള്ള മുഖ്യമന്ത്രിമാര് എന്നിവര് ചടങ്ങില് പങ്കെടുക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.