തൃശൂര് പൂരവുമായി ബന്ധപ്പെട്ട് ഉയര്ന്ന വിമര്ശനങ്ങള്ക്ക് അതേ നാണയത്തില് തിരിച്ചടിച്ച് ഉന്നത വിദ്യാഭ്യാസ മന്ത്രി ആര് ബിന്ദു. തൃശൂര് പൂരവുമായി ബന്ധപ്പെട്ട് കഴിഞ്ഞ രണ്ട് ദിവസങ്ങളായി പൂര നഗരിയിലും സോഷ്യല് മീഡിയയിലും സജീവമായിരുന്നു മന്ത്രി ആര് ബിന്ദു.ഇക്കാര്യം ചൂണ്ടിക്കാട്ടി വിമര്ശനം ഉന്നയിച്ചവര്ക്കാണ് മന്ത്രി സ്വന്തം പേജില് മറുപടി നല്കിയിരിക്കുന്നത്.
കേരള വര്മയില് അധ്യാപിക ആയിരുന്ന കാലത്ത് പോലും ആര് ബിന്ദു പൂരം കാണാന് വന്നിട്ടുണ്ടോ എന്നാണ് മന്ത്രിയുടെ പോസ്റ്റില് പ്രത്യക്ഷപ്പെട്ട കമന്റുകളില് ഒന്ന്. ഇതിന് രൂക്ഷമായ ഭാഷയിലാണ് മന്ത്രി മറുപടി നല്കിയിരിക്കുന്നത്. എടോ, ഞാന് പൂരം കാണുക മാത്രമല്ല, അഞ്ചുകൊല്ലം തൃശൂര് മേയറായി പൂരം നടത്താന് നേതൃത്വം കൊടുത്തിട്ടുമുണ്ടെന്നുമാണ് മറുപടിയുടെ ഉള്ളടക്കം. ലക്ഷക്കണക്കിന് ആളുകള് വരുന്ന പൂരത്തിന് താന് ബിന്ദു ടീച്ചറുണ്ടോ എന്ന് നോക്കുകയായിരുന്നോ എന്ന മറു ചോദ്യവും മന്ത്രി ഉന്നയിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.