വൈഷ്ണോ ദേവി ക്ഷേത്രത്തിലേക്ക് തീർത്ഥാടകരുമായി പോകുകയായിരുന്ന ബസ് തോട്ടിലേക്ക് മറിഞ്ഞുണ്ടായ അപകടത്തിൽ ഒരാൾ മരിക്കുകയും 39 പേർക്ക് പരിക്കേൽക്കുകയും ചെയ്തതായി അധികൃതർ അറിയിച്ചു. ജമ്മു കശ്മീരിലെ സാംബാ ജില്ലയിൽ വച്ചാണ് അപകടം ഉണ്ടായത്.
അമ്രോഹയിൽ നിന്നുള്ള 45കാരനായ ഇക്ബാൽ സിംഗാണ് മരിച്ചത്. ജഡ്വാളിലെ ഒരു ചെറിയ പാലത്തിന് സമീപത്ത് വച്ച് ബസ് ടയർ പൊട്ടി ഹൈവേയിൽ നിന്ന് തെന്നിമാറിയതാണ് അപകട കാരണമെന്നാണ് അധികൃതർ പറയുന്നത്. അപകട സ്ഥലത്ത് രക്ഷാപ്രവർത്തനം ആരംഭിച്ചിട്ടുണ്ട്. പരിക്കേറ്റവരെ ആദ്യം സാംബയിലെ ആശുപത്രിയിലേക്ക് മാറ്റുകയും, പിന്നീട് അതിൽ 7 പേരെ വിജയ്പൂർ എയിംസ് ആശുപത്രിയിൽ പ്രവേശിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.