‘ഓപ്പറേഷൻ നുംഖോർ’ എന്ന പരിശോധനയുടെ ഭാഗമായി കസ്റ്റംസ് പിടിച്ചെടുത്ത നടൻ അമിത് ചക്കാലക്കലിന്റെ എല്ലാ വാഹനങ്ങളും വിട്ടുനൽകി. കേസിൽ അന്വേഷണം തുടരുമെന്ന് വ്യക്തമാക്കിക്കൊണ്ട് കർശന ഉപാധികളോടെയാണ് കസ്റ്റംസ് വാഹനങ്ങൾ വിട്ടുനൽകിയത്.
സെപ്റ്റംബർ 23നാണ് കസ്റ്റംസ് നടൻ അമിത് ചക്കാലക്കലിന്റെ വാഹനങ്ങൾ കസ്റ്റഡിയിലെടുത്തത്. പിടിച്ചെടുത്ത എല്ലാ വാഹനങ്ങളും ഇപ്പോൾ വിട്ടു നൽകിയിട്ടുണ്ട്. സംസ്ഥാനത്തിന് പുറത്തു വാഹനം ഓടിക്കരുത്, വാഹനം മറ്റാർക്കും കൈമാറ്റം ചെയ്യരുത്, തുടങ്ങിയ കർശന ഉപാധികളാണ് വാഹനങ്ങൾ വിട്ടുനൽകുന്നതിനായി കസ്റ്റംസ് മുന്നോട്ട് വെച്ചത്. കേസിൽ തുടർനടപടികൾ സ്വീകരിക്കുമെന്നും കസ്റ്റംസ് വൃത്തങ്ങൾ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.