ജയിലില്‍ നിന്നിറങ്ങിയ ശേഷമുള്ള ആദ്യത്തെ വാര്‍ത്താസമ്മേളനത്തില്‍ ഡല്‍ഹി മുഖ്യമന്ത്രിയും ആംആദ്മി പാര്‍ട്ടി കണ്‍വീനറുമായ അരവിന്ദ് കെജ്രിവാള്‍ പ്രധാനമന്ത്രി നരേന്ദ്രമോഡിക്കും,ബിജെപിക്കും എതിരെ ആഞ്ഞടിച്ചുകള്ളന്മാരെ പാർട്ടിയിൽ എടുക്കും. പിന്നീട് അവരെ കുറ്റവിമുക്തർ ആക്കും. എന്നിട്ടും പറയുന്നത് അഴിമതിക്കെതിരെ ആണ് പോരാട്ടമെന്ന്.

ജനങ്ങൾ മണ്ടന്മാരെന്നു കരുത്തരുതെന്നും പ്രധാനമന്ത്രിയോട് കെജ്രിവാള്‍. പ്രതിപക്ഷ മുഖ്യമന്ത്രിമാരെ വൈകാതെ ജയിലിൽ അടക്കും. ഹേമന്ത് സോറനെ ജയിലിൽ അടച്ചു. സ്റ്റാലിൻ സർക്കാരിന്റെ മന്ത്രിമാരെ ജയിലിൽ അടക്കുന്നു. മമത സർക്കാരിന്റെ മന്ത്രിമാരെ ജയിലിൽ അടക്കുന്നു. ഇപ്പോൾ കേരള മുഖ്യമന്ത്രിയുടെ പിറകെ നടക്കുന്നു.മോഡി ഇനി പ്രധാനമന്ത്രിയാകില്ല. മോഡിയുടെ ലക്ഷ്യം ഒരു രാജ്യം ഒരു നേതാവ് എന്നതാണ്.

മോഡി വോട്ട് ചോദിക്കുന്നത് അമിത് ഷായെ പ്രധാനമന്ത്രിയാക്കാനാണ്. ബിജെപിയിലെ മുതിർന്ന നേതാക്കളുടെ എല്ലാം രാഷ്ട്രീയ ഭാവി ഇല്ലാതാക്കി. അദ്വാനി, മുരളി മനോഹർ ജോഷി, സുമിത്ര മഹാജൻ ഇവരുടെ ഒക്കെ രാഷ്ട്രീയ ഭാവി ഇല്ലാതാക്കി. മോഡി ജയിച്ചാൽ രണ്ട് മാസത്തിനകം യുപിയിലെ ആദിത്യനാഥ് സർക്കാരിനെ മാറ്റും. അടുത്ത നമ്പർ ആദിത്യനാതിന്റേത് ആണ്. ഇതാണ് മോഡിയുടെ രാഷ്ട്രീയ അജണ്ടയെന്നും അദ്ദേഹം വിമർശിച്ചു.

English Summary:
People are not stupid; Kejriwal says Modi will no longer be PM