പാലക്കാട്ട് ട്രോളി ബാഗിൽ പണം കടത്തിയത് സംബന്ധിച്ച് നുണ പറയുന്നവരെ നുണ പരിശോധനക്ക് വിധേയരാക്കണമെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ. തൃശൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. യുഡിഎഫ് സ്ഥാനാർഥി രാഹുൽ മാങ്കൂട്ടത്തിലും കൂട്ടരും പറഞ്ഞതെല്ലാം കളവാണെന്ന് ബോധ്യപ്പെട്ടു. കളവ് പറയാൻ രാഹുൽ എത്ര പാടുപെട്ടു. താൻ കോഴിക്കോട്ടുണ്ട് എന്ന് പുലർച്ചെ രണ്ട് മണിക്ക് സമൂഹ മാധ്യമത്തിലൂടെ അറിയിച്ചു.
അങ്ങനെയൊരു സമയത്ത് ആരെങ്കിലും താൻ എവിടെയുണ്ടെന്ന് പറയണോ? പാലക്കാട്ടില്ലെന്ന് വരുത്താനാണ് അത് ചെയ്തത്. ദൃശ്യത്തിൽ രാഹുൽ പാലക്കാട്ടുണ്ടെന്ന് വ്യക്തമാവുകയും ചെയ്തു. പറഞ്ഞ കളവ് ഓരോന്നായി പുറത്തായി. സാധാരണ അന്വേഷണമല്ല, സമഗ്ര അന്വേഷണം വേണം. കുമ്പളം കട്ടവനെപ്പോലെയാണ് ന്യായീകരണം. പൊലീസിന് വീഴ്ചയാണോ നേട്ടമാണോ എന്നല്ല നോക്കേണ്ടത്. കള്ളപ്പണ ഒഴുക്ക് തടയണം. സിപിഎം പാലക്കാട് ജില്ല സെക്രട്ടറി പരാതി കൊണ്ടുത്തിട്ടുണ്ട്. ബിജെപിയും കോൺഗ്രസും കേരളത്തിലടക്കം കള്ളപ്പണം ഒഴുക്കുന്നുണ്ട്. ബിജെപിക്കെതിരെ ഇത്തരത്തിൽ വസ്തുതയുള്ള എന്തെങ്കിലും വന്നാൽ അതിലും പരാതി കൊടുക്കുമെന്നും എം വി ഗോവിന്ദന്‍ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.