ജോഷി സംവിധാനം ചെയ്ത ആന്റണി എന്ന സിനിമയിൽ ക്രിസ്ത്യാനികളെ അപമാനിക്കുന്ന തരത്തിലുള്ള ദൃശ്യങ്ങൾ ഉൾപ്പെടുത്തിയിട്ടുണ്ടോയെന്ന് പരിശോധിക്കാൻ ഹൈക്കോടതി. ബൈബിളിൽ തോക്ക് ഒളിപ്പിക്കുന്ന രംഗം ക്രിസ്ത്യൻ സമൂഹത്തിന്റെ മതവികാരം വ്രണപ്പെടുത്തുന്നതാണെന്നായിരുന്നു ഹൈക്കോടതിയിലെത്തിയ ഹർജി. ഹർജി പിന്നീട് പരിഗണിക്കുമെന്നും ജനങ്ങൾ ഇത്രമാത്രം അസഹിഷ്ണുത കാണിക്കരുതെന്നും ഹർജി പരിഗണിക്കവേ ജസ്റ്റിസ് ദേവൻ രാമചന്ദ്രൻ പറഞ്ഞു.
1960കളിലും 1970കളിലും ഇംഗ്ലീഷ് സിനിമകളിൽ ഇത്തരം രംഗങ്ങൾ ചിത്രീകരിച്ചിരുന്നുവെന്ന് ഓർമ്മിക്കണം. തോക്ക് മറയ്ക്കാൻ ബൈബിളാണ് ഉപയോഗിക്കുന്നതിനാൽ ക്രിസ്ത്യാനികൾ അസന്തുഷ്ടരാണ്. ഗീതയാണെങ്കിൽ ഹിന്ദുക്കളും ഖുറാൻ ആണെങ്കിൽ മുസ്ലിങ്ങളും അസന്തുഷ്ടരാകുമെന്ന് ബെഞ്ച് കൂട്ടിച്ചേർത്തു. ചെറിയ ഒരു രംഗത്തിൽ മാത്രം കാണിക്കുന്ന പുസ്തകം ബൈബിളാണെന്ന് എങ്ങനെ മനസിലായെന്നും കോടതി ഹർജിക്കാരനോട് ചോദിച്ചു.
കാഴ്ചക്കാരന്റെ മനസിൽ പതിയുന്നതിനുമാത്രം സമയം ഇല്ലായിരുന്നുവെന്നും സിനിമ വിവിധ പ്ലാറ്റ്ഫോമുകളിൽ റിലീസ് ചെയ്യുന്നതിന് മുമ്പ് സെൻസർ ചെയ്തിരുന്നതാണെന്നും കോടതി നിരീക്ഷിച്ചു. വീഡിയോ ഹാജരാക്കാൻ ഹർജിക്കാരനോട് ആവശ്യപ്പെടുകയും ചെയ്തു. തെളിവുകൾ ഹാജരാക്കാൻ കൂടുതൽ സമയം വേണമെന്ന് ഹർജിക്കാരൻ അറിയിച്ചു.
English Summary;Petition against ‘Anthony’ movie; High Court why intolerance
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.