തടി കയറ്റി വന്ന പിക്ക് അപ്പ് ജീപ്പ് മറിഞ്ഞ് ഗുരുതരമായി പരിക്കേറ്റ് ചികിത്സയിലായിരുന്ന ഡ്രൈവര്‍ മരിച്ചു. മണക്കാട് ഇരവിപ്പാറ കരുവേലില്‍ സജിയാണ് (52) മരിച്ചത്. അപകടത്തില്‍ ഗുരുതരമായി പരിക്കേറ്റ് അങ്കമാലി അപ്പോളോ ആശുപത്രിയില്‍ ചികിത്സയിലായിരുന്ന സജി വെള്ളിയാഴ്ചയാണ് മരിച്ചത്. വഴിത്തല- പുറപ്പുഴ റോഡില്‍ ബാപ്പുജി സ്‌കൂളിനു സമീപം ബുധനാഴ്ച വൈകുന്നേരം 6.45 ഓടെയായിരുന്നു അപകടം.
ചെറിയ റോഡിലൂടെ തടി കയറ്റി വന്ന പിക് അപ് ജീപ്പ് പിന്നിലേക്ക് എടുത്തപ്പോള്‍ റോഡിന്റെ സൈഡ് ഇടിയുകയും നിയന്ത്രണം നഷ്ടപ്പെട്ട് ഒരുവശത്തേയ്ക്ക് മറിയുകയുമായിരുന്നു. വാഹനം റോഡരികിലെ തേക്ക് മരത്തില്‍ ഇടിച്ചാണ് നിന്നത്. സീറ്റിനടിയില്‍ കുടുങ്ങിയ സജിയെ തൊടുപുഴയില്‍ നിന്നെത്തിയ ഫയര്‍ഫോഴ്‌സ് ഉദ്യോഗസ്ഥരും നാട്ടുകാരും ചേര്‍ന്നാണ് ഏറെ ശ്രമകരമായി പുറത്തെടുത്തത്. ഭാര്യ രജനി. മക്കള്‍: അജയ്, അഞ്ജന.
English Summary: Pickup jeep accident: The driver who was undergoing treatment di ed of injuries
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.