മലയാള സംഗീത ലോകത്തെ ഇതിഹാസം കെ രാഘവൻ മാസ്റ്ററുടെ സ്മരണാർത്ഥം നൽകുന്ന ആറാമത് കെ രാഘവൻ മാസ്റ്റർ പുരസ്കാരത്തിന് വിപ്ലവഗായിക പികെ മേദിനി അർഹയായി. ജനകീയ സംഗീതത്തിനും വിപ്ലവ ഗാനങ്ങൾക്കും നൽകിയ സമാനതകളില്ലാത്ത സംഭാവനകൾ പരിഗണിച്ചാണ് ഈ അംഗീകാരം.നാളെ രാവിലെ 10 മണിക്ക് മണ്ണഞ്ചേരിയിലുള്ള മേദിനിയുടെ മഠത്തിൽ ഹൗസിൽ വെച്ച് നടക്കുന്ന ചടങ്ങിൽ പുരസ്കാരം സമർപ്പിക്കും. സാമൂഹിക സാംസ്കാരിക രംഗത്തെ പ്രമുഖർ ചടങ്ങിൽ സംബന്ധിക്കും. പുന്നപ്ര‑വയലാർ സമരകാലഘട്ടം മുതൽ പാട്ടുകളിലൂടെ ജനങ്ങളെ ആവേശം കൊള്ളിച്ച ഗായികയാണ് പികെ മേദിനി. ലളിതവും എന്നാൽ കരുത്തുറ്റതുമായ തന്റെ ആലാപന ശൈലിയിലൂടെ വിപ്ലവ ഗാനങ്ങളെ സാധാരണക്കാരുടെ ഹൃദയങ്ങളിലെത്തിക്കുന്നതിൽ അവർ വലിയ പങ്ക് വഹിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.