നേപ്പാളിലെ കാഠ്മണ്ഡു ത്രിഭുവൻ രാജ്യാന്തര വിമാനത്താവളത്തിൽ ചെറുവിമാനം തകർന്നുണ്ടായ അപകടത്തിൽ 18 പേര് മരിച്ചു. പൈലറ്റിനെ ഗുരുതരപരിക്കുകളോടെ ആശുപത്രിയില് പ്രവേശിപ്പിച്ചു. ഇന്നലെ രാവിലെ 11 മണിയോടെയാണ് ശൗര്യ എയർലൈൻസിന്റെ ബൊംബാർഡിയർ സിആര്ജെ-200 വിമാനം ത്രിഭുവന് വിമാനത്താവളത്തിന്റെ കിഴക്ക് ഭാഗത്ത് തകര്ന്നുവീണത്. വിമാനം കാഠ്മണ്ഡുവിൽ നിന്ന് പൊഖ്റയിലേക്ക് പോകുകയായിരുന്നു.
വിമാന കമ്പനി ജീവനക്കാരും ഉള്പ്പെടെ 19 പേരായിരുന്നു യാത്രക്കാര്. മരിച്ചവരില് ഒരു യെമന് പൗരനും ഉള്പ്പെടുന്നു. പറന്നുയരുന്നതിനിടെ വിമാനം റൺവേയിൽ നിന്ന് തെന്നിമാറുകയും തീപിടിക്കുകയായിരുന്നു. വിമാനത്തിന് തീ പിടിച്ച് തകര്ന്നുവീഴുന്നതിന്റെ വീഡിയോകള് പുറത്തുവന്നിരുന്നു. 15 പേര് സംഭവസ്ഥലത്തുവച്ചും മൂന്നുപേര് ആശുപത്രിയിലും മരിച്ചതായി പൊലീസ് അറിയിച്ചു. കോ-പൈലറ്റ് എസ് കടുവാലും ഒരു നേപ്പാളി വനിതയും മരിച്ചവരില് ഉള്പ്പെടുന്നു. പൈലറ്റ് മനീഷ് ശാക്യയുടെ കണ്ണിന് ഗുരുതരമായി പരിക്കേറ്റു. അപകടനില തരണം ചെയ്തതായി കാഠ്മണ്ഡു മോഡല് ആശുപത്രി അധികൃതര് അറിയിച്ചു.
അപകടത്തെത്തുടര്ന്ന് വിമാനത്താവളത്തിന്റെ പ്രവര്ത്തനം മണിക്കൂറുകളോളം തടസപ്പെട്ടു. മൂന്ന് ബൊംബാർഡിയർ സിആര്ജെ-200 ജെറ്റുകളാണ് ശൗര്യ എയർലൈൻസിനുള്ളത്. നേപ്പാളിലെ അഞ്ച് വിനോദസഞ്ചാര കേന്ദ്രങ്ങളിലേക്ക് സര്വീസുകള് നടത്തുന്നുണ്ട്. 2023 ജനുവരിയിൽ യെതി എയർലൈൻസ് വിമാനം പൊഖ്റയില് തകർന്ന് വീണിരുന്നു. അപകടത്തിൽ അഞ്ച് ഇന്ത്യക്കാര് ഉള്പ്പെടെ 72 പേരാണ് മരിച്ചത്.
English Summary: Plane crash in Nepal 18 death
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.