പ്ലസ് വൺ ക്ലാസുകൾ ജൂലൈ അഞ്ചിന് തുടങ്ങും

സംസ്ഥാനത്ത് പ്ലസ് വൺ ക്ലാസുകൾ ജൂലൈ അഞ്ചിന് തുടങ്ങും. ആദ്യ രണ്ട് അലോട്ട്മെന്റിലെ കുട്ടികളെ ഉൾപ്പെടുത്തിയായിരിക്കും ക്ലാസുകളാരംഭിക്കുക. രണ്ടാഴ്ച കൊണ്ട് മുഴുവനായും ആശങ്കകൾ പരിഹരിക്കുമെന്ന് പൊതുവിദ്യാഭ്യാസ മന്ത്രി വി ശിവൻകുട്ടി അറിയിച്ചു.
ഏതെല്ലാം വിഷയത്തിന് ഏതെല്ലാം പഞ്ചായത്ത് / താലൂക്കില്‍ കുറവ് വരുമെന്ന് മനസിലാക്കി മൂന്നാമത്തെ അലോട്ട്മെന്റോടെ ആശങ്കകള്‍ പരിഹരിക്കുമെന്നും അദ്ദേഹം പറഞ്ഞു. പ്ലസ് വൺ ഇംപ്രൂവ്മെന്റ് പരീക്ഷയിൽ ആശങ്കയില്ലെന്നും അദ്ദേഹം കൂട്ടിച്ചേര്‍ത്തു. ഗവൺമെന്റ് അധ്യാപകർ സ്വകാര്യ ട്യൂഷൻ എടുക്കുന്നതിന് കർശന വിലക്ക് ഉണ്ടാവും. ഇത് കണ്ടെത്താൻ വിജിലൻസ് പരിശോധന അടക്കം നടത്തുമെന്നും മന്ത്രി അറിയിച്ചു.

eng­lish summary;Plus One class­es will start on July 5

you may also like this video;