ഉത്തര്പ്രദേശില് അന്തര്ദേശീയ വ്യാപാരമേള ഉദ്ഘാടനം ചെയ്യാന് പ്രധാനമന്ത്രി എത്തിയപ്പോള് പ്രതിഷേധം ഭയന്ന് കര്ഷക സംഘടനാ നേതാക്കളെ വീട്ടുതടങ്കലിലാക്കി യുപിയിലെ ആദിത്യനാഥിന്റെ നേതൃത്വത്തിലുള്ള ബിജെപി സര്ക്കാര്. വ്യാപാരമേള ഉദ്ഘാടനം ചെയ്യാൻ പ്രധാനമന്ത്രിനരേന്ദ്രമോഡിയും യുപി മുഖ്യമന്ത്രി ആദിത്യനാഥും ഗ്രേയ്റ്റർ നോയിഡയിൽ എത്തുമ്പോള് കലക്ട്രേറ്റിന് മുന്നില് പ്രതിഷേധിക്കാനായിരുന്നു കർഷകസംഘടനകളുടെ തീരുമാനം.
ഇൗ നീക്കം തടയാൻ വേണ്ടി യുപി പൊലീസ് അഖിലേന്ത്യാ കിസാൻസഭ ജില്ലാപ്രസിഡന്റ് രുപേഷ്വർമ, കിസാൻ ഏക്താ സംഘ് ദേശീയപ്രസിഡന്റ് സുരൻ പ്രധാൻ, ഭാരതീയ കിസാൻ പരിഷത്ത് ദേശീയ പ്രസിഡന്റ് സുഖ്ബീർ ഖലീഫ തുടങ്ങിയ നേതാക്കളെ പകൽ വീട്ടുതടങ്കലിലാക്കി.പുതിയ കാർഷികനിയമങ്ങൾ സംബന്ധിച്ച ആശങ്കകൾ പരിഹരിക്കുക, ഭൂമി ഏറ്റെടുക്കുമ്പോള് അർഹിച്ച നഷ്ടപരിഹാരം അനുവദിക്കുക, 2024ലെ പ്രതിഷേധത്തിന്റെ പേരിൽ കർഷകർക്ക് എതിരായ കേസുകൾ പിൻവലിക്കുക– തുടങ്ങിയ ആവശ്യങ്ങൾ ഉന്നയിച്ചാണ് കർഷകർ കലക്ട്രേറ്റിന് മുന്നിൽ മഹാപ്രതിഷേധം സംഘടിപ്പിക്കാന് തീരുമാനിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.