മറുനാടന് മലയാളി ഓണ്ലൈന് ചാനലിന്റെ ഓഫീസിലും ജീവനക്കാരുടെ വീടുകളിലും പൊലീസ് റെയ്ഡ്. കൊച്ചി സെന്ട്രൽ എസിപിയുടെ നേതൃത്വത്തില് ഇന്ന് രാവിലെയോടെയാണ് പരിശോധന നടന്നത്. ഓഫീസിലെ കമ്പ്യൂട്ടർ, ലാപ്ടോപ് എന്നിവയും, ജീവനക്കാരുടെ മൊബൈൽ ഫോണും പിടിച്ചെടുത്തു. ചീഫ് എഡിറ്റർ ഷാജൻ സ്കറിയയെ കണ്ടെത്താനും, പി വി ശ്രീനിജൻ എം എൽ എ യ്ക്ക് എതിരായ വാർത്ത ഉറവിടം കണ്ടെത്താനും ആണ് പരിശോധന നടത്തിയതെന്ന് പൊലീസ് പറഞ്ഞു. മൂന്ന് റിപ്പോര്ട്ടര്മാരുടെ വീടുകളിലാണ് റെയ്ഡ് നടന്നത്.
വ്യാജവാർത്ത നൽകി തന്നെ വ്യക്തിപരമായി അധിക്ഷേപിക്കുന്നുവെന്ന പി വി ശ്രീനിജിന് എംഎൽഎയുടെ പരാതിയിലാണ് പട്ടികജാതി അതിക്രമം തടയൽ, ഇന്ത്യന് ശിക്ഷാനിയമം എന്നിവ പ്രകാരം പൊലീസ് ഷാജനെതിരെ കേസെടുത്തത്. കേസിൽ ഷാജന് സ്കറിയ മുന്കൂർ ജാമ്യത്തിന് ശ്രമിച്ചുവെങ്കിലും കോടതി ഹർജി തള്ളിയിരുന്നു. പ്രോസിക്യൂഷന് ഉന്നയിച്ചിരിക്കുന്ന ആരോപണങ്ങൾ ഗുരുതരമെന്ന് വിലയിരുത്തിയാണ് ജസ്റ്റിസ് വി ജി അരുൺ ഹർജി തള്ളിയത്. എറണാകുളം ജില്ലാ സെഷന്സ് കോടതിയും ജാമ്യാപേക്ഷ നിരസിച്ചിരുന്നു. മുന്കൂർ ജാമ്യാപേക്ഷയിൽ വിധിവരുന്നതുവരെ അറസ്റ്റ് തടയണമെന്ന ഷാജന് സ്കറിയയുടെ ആവശ്യവും കോടതി നിരസിച്ചതിനുപിന്നാലെ ഷാജന് ഒളിവിൽപ്പോയിരുന്നു.
English Summary: Police raid on Marunadan Malayali online channel: computer and laptop seized
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.