ജന്തർ മന്തറിൽനിന്ന് പാർലമെന്റിലേക്ക് മാർച്ച് നടത്താനുള്ള ഗുസ്തി താരങ്ങളുടെ നീക്കം പൊലീസ് തടഞ്ഞതോടെ തലസ്ഥാനത്ത് സംഘർഷാവസ്ഥ. പ്രതിഷേധിക്കുന്ന ഗുസ്തി താരങ്ങളെ ജന്തര്മന്തറില്നിന്ന് പുറത്തുകടക്കാന് പൊലീസ് അനുവദിക്കാത്തതാണ് സംഘർഷത്തിന് ഇടയാക്കിയത്.
പല താരങ്ങളും ബാരിക്കേഡുകൾ മറികടന്നു. സമരക്കാരെ പൊലീസ് ബലംപ്രയോഗിച്ച് തടയുകയാണ്. ഉദ്ഘാടന ദിവസം പുതിയ പാര്ലമെന്റ് മന്ദിരത്തിലേക്ക് മാര്ച്ച് നടത്തുമെന്ന് ഗുസ്തി താരങ്ങള് അറിയിച്ചിരുന്നു. ഗുസ്തി താരങ്ങള്ക്ക് പിന്തുണയുമായി പാര്ലമെന്റിന് മുന്നില് മഹിള മഹാപഞ്ചായത്ത് നടത്തുമെന്ന് കര്ഷകരും അറിയിച്ചിരുന്നു. എന്നാല് പഞ്ചാബ് കിസാന് മസ്ദൂര് സംഘര്ഷ് കമ്മിറ്റി അംഗങ്ങളെ അംബാല അതിര്ത്തിയില് പൊലീസ് തടഞ്ഞു.
ഡൽഹിയുടെ അതിർത്തി പ്രദേശങ്ങളിലും ജന്തർ മന്തറിലും കനത്ത പൊലീസ് സുരക്ഷയാണ് ഒരുക്കിയിരിക്കുന്നത്. അതിർത്തിയില് വാഹനങ്ങൾ പരിശോധനകൾക്ക് ശേഷം മാത്രമാണ് കടത്തിവിടുന്നത്. ഗുസ്തിതാരങ്ങള്ക്ക് പിന്തുണയുമായെത്തുന്ന കർഷകരെ തിരിച്ചയക്കുമെന്ന് ഡൽഹി പൊലീസ് അറിയിച്ചു. പാർലമെന്റിലേക്കുള്ള എല്ലാ റോഡുകളിലും സുരക്ഷ ശക്തമാക്കി.
english summary;Police stopped the march of wrestlers; Protest over the barricades; Clash at Jantar Mantar
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.