എകെഎസ്ടിയു നേതാവും കമ്മ്യൂണിസ്റ്റ് പണ്ഡിതനുമായിരുന്ന പി ആർ നമ്പ്യാരുടെ സ്മരണാർത്ഥം എകെഎസ്ടിയു സംസ്ഥാന കമ്മിറ്റി നൽകുന്ന ഈ വർഷത്തെ പി ആർ നമ്പ്യാർ പുരസ്കാരം മുതിർന്ന സിപിഐ നേതാവ് പന്ന്യൻ രവീന്ദ്രന്. കേരളത്തിന്റെ രാഷ്ട്രീയ സാംസ്കാരിക ഭൂമികയിൽ ലാളിത്യവും കമ്മ്യൂണിസ്റ്റ് ജീവിത ശൈലിയും നാടിന് വേണ്ടിയുള്ള സമർപ്പിത ജീവിതം കൊണ്ടും ഓരോ മലയാളിയുടെയും മനസ്സിൽ ഇടം നേടിയ നേതാവാണ് പന്ന്യൻ. സ്വജീവിതം കൊണ്ട് നാടിനും സമൂഹത്തിനും അണയാത്ത പ്രകാശമായി മാറിയ മനുഷ്യനാണ് പന്ന്യൻ രവീന്ദ്രനെന്ന് പുരസ്കാര കമ്മിറ്റി വിലയിരുത്തി. 29ന് വൈകിട്ട് നാലിന് അടൂരിൽ നടക്കുന്ന എകെഎസ്ടിയു സംസ്ഥാന സമ്മേളനവേദിയിൽവെച്ച് ഡെപ്യൂട്ടി സ്പീക്കർ ചിറ്റയം ഗോപകുമാർ പുരസ്കാരം പന്ന്യൻ രവീന്ദ്രന് നൽകും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.