രാജ്യത്തെ ഏറ്റവും വലിയ ഇൻഷുറൻസ് കമ്പനിയായ എൽഐസിയുടെ ഓഹരി വിറ്റഴിക്കലിന്റെ ഭാഗമായ പ്രാരംഭ പൊതു വില്പന (ഐപിഒ) വിപണിയിൽ എത്തുന്ന ദിവസം എൽഐസി ജീവനക്കാർ രാജ്യവ്യാപകമായി പണിമുടക്ക് നടത്തും.
രാജ്യത്തെ എക്കാലത്തെയും വലിയ ഐപിഒ എൽഐസിയുടെ സ്വകാര്യവല്ക്കരണത്തിലേക്കുള്ള ആദ്യ ചുവടുവയ്പാണെന്നും പോളിസി ഉടമകളുടെ താല്പര്യങ്ങൾ ഹനിക്കപ്പെടുമെന്നും ഓൾ ഇന്ത്യ ഇൻഷുറൻസ് എംപ്ലോയീസ് അസോസിയേഷൻ ആരോപിച്ചു. ഇതിൽ പ്രതിഷേധിച്ച്, പുതിയ ലേബർ കോഡുകൾക്കും സ്വകാര്യവല്ക്കരണത്തിനുമെതിരെ മാർച്ച് 28, 29 തീയതികളിൽ 10 കേന്ദ്ര ട്രേഡ് യൂണിയനുകൾ ആഹ്വാനം ചെയ്ത ദ്വിദിന പണിമുടക്കിൽ എൽഐസി ജീവനക്കാർ പങ്കെടുക്കും.
മാർച്ചിൽ ഐപിഒ തുറക്കുന്ന ദിവസം ജീവനക്കാർ ജോലി ബഹിഷ്കരിക്കുമെന്ന് എഐഐഇഎ വൈസ് പ്രസിഡന്റ് എ കെ ഭട്നാഗർ പറഞ്ഞു. എഐഐഇഎയുടെ ആഹ്വാനപ്രകാരം തിങ്കളാഴ്ച ഇൻഷുറൻസ് ജീവനക്കാർ രാജ്യവ്യാപകമായി പ്രകടനം നടത്തിയിരുന്നു.
english summary;Privatization: LIC employees on strike
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.