പുതുയുഗ യാത്രാ സമാപന സമ്മേളനത്തിലെ രാഹുല് ഗാന്ധിയുടെ പ്രഖ്യാപനങ്ങള് പൊള്ളയായ വാഗ്ദാനങ്ങളെന്ന് ധനമന്ത്രി കെ എന് ബാലഗോപാല് . കോണ്ഗ്രസ് ഭരിക്കുന്ന സംസ്ഥാനങ്ങളില് നടത്തിയ പ്രഖ്യാപനങ്ങള് നടപ്പിലായില്ല. യുഡിഎഫ് നടത്തിയിട്ടുള്ള പ്രഖ്യാപനങ്ങളില് ഏതെങ്കിലും നടപ്പിലായിട്ടുണ്ടോയെന്നും മന്ത്രി കെഎന് ബാലഗോപാല് പറഞ്ഞു.
കേരളത്തിന്റെ സാമ്പത്തിക സ്ഥിതി അവര് കൊട്ടിഘോഷിച്ചതുപോലെ മോശം തരത്തിലല്ലെന്ന് അദ്ദേഹം അഭിപ്രായപ്പെട്ടു. ഇന്ത്യന് സാഹചര്യത്തില് നോക്കുമ്പോള് നല്ല മെച്ചപ്പെട്ട സാഹചര്യത്തില് തന്നെയാണ്. ഇന്ത്യയിലെ പല സംസ്ഥാനങ്ങളെക്കാള് മെച്ചപ്പെട്ട സാമ്പത്തിക സ്ഥിതിയാണ്. രാജ്യത്തെ മെച്ചപ്പെട്ട സാമൂഹ്യ സേവന പ്രവര്ത്തനങ്ങളും നടക്കുന്നു. ആരോഗ്യം, വിദ്യാഭ്യാസം തുടങ്ങിയ മേഖലകളില് ഏറ്റവും കൂടുതല് പണം ചിലവാക്കുന്നത് നമ്മളാണ്. ക്ഷേമപെന്ഷന് 62 ലക്ഷം പേര്ക്ക് കൃത്യമായി മുടങ്ങാതെ കൊടുക്കുന്ന സംസ്ഥാനമാണ് കേരളം.
സ്ത്രീ സുരക്ഷാ പദ്ധതിപ്രകാരം 1000 രൂപ വച്ചുകൊടുക്കുന്നു. കോണ്ഗ്രസ് ഭരിക്കുന്ന സംസ്ഥാനങ്ങളുടെ സ്ഥിതി വളരെ മോശമാണിപ്പോള്. സാമ്പത്തികമായി കേരളം വല്ലാത്തൊരു ബുദ്ധിമുട്ടിലേക്ക് പോകും എന്ന് ഇവര് പ്രതീക്ഷിച്ചത് പോലെ ആയിട്ടില്ല. ചെയ്യാന് പറ്റുന്ന പ്രഖ്യാപനങ്ങളാണ് ഇടതുപക്ഷം നടത്തുന്നത്. പറഞ്ഞ കാര്യങ്ങള് ചെയ്യും അദ്ദേഹം പറഞ്ഞു. രാഹുല് ഗാന്ധി ഇന്നലെ ധാരാളം പ്രഖ്യാപനങ്ങള് നടത്തിയിട്ടുണ്ട്. ഇപ്പോള് അവര് നടത്തിയ പ്രഖ്യാപനങ്ങള്, ക്ഷേമ പെന്ഷന് വര്ധിപ്പിക്കുമെന്ന് പറഞ്ഞത് ആരും വിശ്വസിക്കുമെന്ന് തോന്നുന്നില്ല ബാലഗോപാല് അഭിപ്രായപ്പെട്ടു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.