റെയിൽവെ അശാസ്ത്രീയമായി നിർമിച്ച അടിപ്പാത വെള്ളക്കെട്ടിൽ. ദുരിതത്തിലായി നാട്ടുകാർ. ഇരട്ടപ്പാതയുടെ ഭാഗമായി കരുമാടിയിൽ നിർമിച്ച റെയിൽവെ അടിപ്പാതയാണ് യാത്രക്കാർക്ക് ദുരിതമായിരിക്കുന്നത്. അമ്പലപ്പുഴ തെക്ക് പഞ്ചായത്ത് അഞ്ചാം വാർഡ് പൂത്തറപ്പാലത്തിന് തെക്കു ഭാഗത്തായാണ് അടിപ്പാത നിർമിച്ചിരിക്കുന്നത്. ചെറിയ മഴ പെയ്താൽ പോലും മുട്ടറ്റം വെള്ളമാണ് ഇവിടെ.
മഴ മാറാതെ നിൽക്കുന്നതു മൂലം യാത്രക്കാരുടെ ദുരിതത്തിന് പരിഹാരവുമായിട്ടില്ല. ഇതു വഴി ദിവസവും പല തവണ യാത്ര ചെയ്യുന്നവർക്ക് ത്വക്ക് രോഗം ഉൾപ്പെടെയുള്ള അസുഖവും പതിവാണെന്നാണ് നാട്ടുകാർ പറയുന്നത്. സമീപ കാലത്ത് നിർമിച്ച പല അടിപ്പാതകളിലും ഇരു വശത്ത് പൊക്കി കാൽ നട യാത്രക്കാർക്കായി സൗകര്യമൊരുക്കിയിട്ടുണ്ട്. എന്നാൽ ഇവിടെ മാത്രം ഈ സംവിധാനം ഒരുക്കാത്തതിനാൽ യാത്രക്കാർ തീരാ ദുരിതത്തിലാണ്. ഇപ്പോൾ വെള്ളക്കെട്ട് രൂക്ഷമായതോടെ ഇതിലൂടെ നീതി യാത്ര ചെയ്യേണ്ട അവസ്ഥയിലാണ് പ്രദേശ വാസികൾ. ഇതിന് പരിഹാരം കാണണമെന്നാവശ്യപ്പെട്ട് തകഴി വികസന സമിതി റെയിൽവെ മന്ത്രി, എ എം ആരിഫ് എം പി എന്നിവർക്ക് നിവേദനം നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.