മണിക്കൂറുകള്നീണ്ട രക്ഷാപ്രവര്ത്തനങ്ങള്ക്കൊടുവില് തിരുവനന്തപുരം വെള്ളനാട് കിണറ്റില് വീണ കരടി ചത്തു. രക്ഷാശ്രമങ്ങള്ക്കിടെ കരടി തിരിച്ച് വെള്ളത്തില് വീണത് മരണത്തിന് കാരണമായെന്നാണ് റിപ്പോര്ട്ടുകള്. ഒന്നരമണിക്കൂറോളം വെള്ളത്തില് മുങ്ങിക്കിടന്നതും മരണകാരണമായെന്നും റിപ്പോര്ട്ടുകള് വ്യക്തമാക്കുന്നു.
കണ്ണമ്പള്ളി സ്വദേശി അരുണിന്റെ വീട്ടിലെ കിണറ്റില് ഇന്നലെ രാത്രി പന്ത്രണ്ടരയോടെയാണ് കരടി കിണറ്റില് വീണത്.
സമീപത്തുള്ള വനത്തില് നിന്നാണ് കരടി എത്തിയതെന്നാണ് വിവരം. അരുണിന്റെ അയല്വാസിയുടെ വീട്ടിലെ രണ്ട് കോഴികളെ കരടി പിടികൂടിയിരുന്നു. മൂന്നാമത്തെ കോഴിയെ പിടികൂടാന് ശ്രമിക്കുന്നതിനിടെ കോഴി പറന്ന് കിണറ്റിന് സമീപത്തെത്തി. ഇതിനെ പിടികൂടാന് ശ്രമിക്കുന്നതിനിടെ കരടി കിണറ്റില് വീഴുകയായിരുന്നു. ശബ്ദം കേട്ട് അരുണ് വന്ന് നോക്കുമ്പോഴാണ് കിണറ്റില് കരടിയെ കണ്ടത്. വനം വകുപ്പിനെ വിവരം അറിയിച്ചതിനെത്തുടര്ന്ന് സംഘം എത്തി രക്ഷിക്കാനുള്ള ശ്രമങ്ങള് ആരംഭിച്ചിരുന്നു.
English Summary:Rescue efforts were unsuccessful: the bear fell into the well and died
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.