മാഞ്ചസ്റ്റര് യുണൈറ്റഡില് നിന്നും സൗദി അറേബ്യ ക്ലബ്ബായ അല് നസറിലേക്കെത്തിയ പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോയ്ക്ക് ഇതുവരെയും അരങ്ങേറ്റ മത്സരത്തിനിറങ്ങാന് സാധിച്ചിട്ടില്ല. പ്രൊ ലീഗില് നടന്ന അല് നസര്-അല് തായി മത്സരത്തില് റോണോയില്ലാതെയാണ് ടീം ഇറങ്ങിയത്. എന്നാല് അല് നസറിന്റെ ഗോള് ആഘോഷത്തില് പങ്കെടുത്ത് ആരാധകരുടെ മനം കവര്ന്നിരിക്കുകയാണ് റൊണാള്ഡോ.
ജിംനേഷ്യത്തില് വ്യായാമം ചെയ്യുന്നതിനിടെ അല് നസറിന്റെ മത്സരം ടെലിവിഷനിലൂടെ കണ്ട റൊണാള്ഡോ തന്റെ പുതിയ ടീമിന്റെ രണ്ടാം ഗോളിനെ കൈയടിച്ചാണ് വരവേറ്റത്. ഈ സമയം സൈക്ലിങ് വ്യായാമം നടത്തുകായിരുന്നു റൊണാള്ഡോ. അല് തായിയെ എതിരില്ലാത്ത രണ്ട് ഗോളിനാണ് അല് നസര് തോല്പ്പിച്ചത്. ബ്രസീലിയന് താരം ടാലിസ്കയാണ് അല് നസറിന്റെ രണ്ട് ഗോളുകളും നേടിയത്. ലീഗില് ഒന്നാം സ്ഥാനത്ത് തുടരുകയാണ്.
12 മത്സരങ്ങളില് നിന്ന് 29 പോയിന്റാണ് ടീമിനുള്ളത്. ഒരു മത്സരം കുറച്ചു കളിച്ച രണ്ടാം സ്ഥാനത്തുള്ള അല് ഷബാബിന് 25 പോയിന്റാണുള്ളത്. ഈ മാസം 14ന് ഇരു ടീമുകളും തമ്മില് ഏറ്റുമുട്ടും. അല് നസ്റില് റൊണാള്ഡോയുടെ അരങ്ങേറ്റം വൈകുകയാണ്. സൗദി പ്രോ ലീഗില് ഒരു ക്ലബ്ബിന് പരമാവധി എട്ട് വിദേശകളിക്കാരെ മാത്രമേ ടീമിലുള്പ്പെടുത്താനാകൂ. എന്നാല് അല് നസര് കൊണ്ടുവരുന്ന ഒമ്പതാം വിദേശതാരമാണ് റൊണാള്ഡോ.
English Summary; ronaldo celebrates goal
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.