ഗുജറാത്തിലെ പവാഗധിൽ റോപ് വേ പൊട്ടിവീണുണ്ടായ അപകടത്തിൽ ആറ് പേർ മരിച്ചു. കാലിക മാത ക്ഷേത്രത്തിലെ നവീകരണ പ്രവർത്തനങ്ങൾക്കായി സാധനങ്ങൾ കൊണ്ടുപോവുന്ന കാർഗോ റോപ് വേയുടെ കേബിൾ മുറിഞ്ഞാണ് അപകടമുണ്ടായത്. നാല് തൊഴിലാളികളും രണ്ട് ലിഫ്റ്റ് ഓപ്പറേറ്റർമാരുമാണ് മരിച്ചത്.
ശനിയാഴ്ച വൈകുന്നേരം 3.30ഓടെയാണ് അപകടം നടന്നത്. റോപ് വേയുടെ ക്യാബിൻ നിലത്തേക്ക് പതിക്കുകയായിരുന്നു. മൃതദേഹങ്ങൾ കണ്ടെടുത്തതായും പോസ്റ്റ്മോർട്ടത്തിനായി അയച്ചതായും പൊലീസ് സൂപ്രണ്ട് അറിയിച്ചു. സംഭവത്തിൽ അന്വേഷണം പ്രഖ്യാപിച്ചിട്ടുണ്ടെന്നും, എന്തെങ്കിലും അശ്രദ്ധ കണ്ടെത്തിയാൽ കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.