കർണാടകയിൽ ബിജെപി എംഎൽഎയുടെ വീട്ടിൽ നിന്ന് ആറ് കോടി രൂപ കണ്ടെടുത്തു. പാർട്ടി നേതാവുകൂടിയായ മഡൽ വിരൂപാക്ഷപ്പയുടെ വസതിയിൽ നിന്നാണ് കർണാടക ലോകായുക്ത പണം കണ്ടെടുത്തത്. സംഭവത്തിന് പിറകെ വിരൂപാക്ഷപ്പ എംഎല്‍എ ഒളിവിലാണ്. കർണാടക സോപ്സ് ആന്റ് ഡിറ്റർജന്റ്സ് ലിമിറ്റഡിന്റെ ചെയർമാന്‍ സ്ഥാനവും മഡൽ വിരൂപാക്ഷപ്പ രാജിവച്ചിട്ടുണ്ട്.
ഇയാളുടെ മകൻ എംഎൽഎയുടെ മകൻ പ്രശാന്ത് മഡൽ 40 ലക്ഷം രൂപ കൈക്കൂലി വാങ്ങുന്നതിനിടെ കയ്യോടെ പിടികൂടിയിരുന്നു. ഇതോടെയാണ് വസതികളിലും ഓഫീസുകളിലും പരിശോധന നടത്തിയത്. എംഎൽഎയെയും അഴിമതി വിരുദ്ധ നിരീക്ഷണ വിഭാഗമായ ലോകായുക്ത ചോദ്യം ചെയ്തേക്കുമെന്നാണ് വാർത്തകൾ.
40 ലക്ഷം കൈക്കൂലിക്ക് പുറമെ 1.7 കോടി രൂപയും പ്രശാന്ത് മഡലിന്റെ ഓഫീസിൽ നിന്ന് ലോകായുക്ത കണ്ടെത്തിയിരുന്നു. കൈക്കൂലി വാങ്ങിയെന്നാരോപിച്ച് വ്യാഴാഴ്ച രാവിലെയാണ് പ്രശാന്തിനെതിരെ ഒരാൾ പരാതി നൽകിയത്. ഇതനുസരിച്ച് ലോകായുക്ത ഉദ്യോഗസ്ഥരൊരുക്കിയ കെണിയിൽ പ്രശാന്ത് കുടുങ്ങുകയായിരുന്നു. കുറ്റവാളികള്‍ ശിക്ഷിക്കപ്പെടുമെന്ന് മുഖ്യമന്ത്രി ബസവരാജ് ബൊമ്മെ പ്രതികരിച്ചു.
English Sammury: Karnataka BJP MLA’s son caught red-handed receiving Rs 40 lakh bribe folwo up, Rs 6 crore recovered from MLA’s house
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.