ഫേസ്ബുക്കിന് നിയന്ത്രണമേര്‍പ്പെടുത്തി റഷ്യ. സര്‍ക്കാര്‍ മാധ്യമങ്ങളുടെ ഫേസ്ബുക്ക് പേജുകള്‍ക്ക് സെന്‍സര്‍ഷിപ്പ് ഏര്‍പ്പെടുത്തുവെന്നും പൗരന്‍മാരുടെ അവകാശങ്ങള്‍ ലംഘിക്കുന്നുവെന്നും ചൂണ്ടിക്കാട്ടിയാണ് ഫേസ്ബുക്ക് ഉപയോഗത്തിന് ഭാഗികമായ നിയന്ത്രണം ഏര്‍പ്പെടുത്തുന്നത്. ഭാഗികമായ നിയന്ത്രണം ഏര്‍പ്പെടുത്താനുള്ള നടപടികള്‍ സ്വീകരിച്ചതായി റഷ്യന്‍ മീഡിയ റെഗുലേറ്റര്‍ അറിയിച്ചു. എന്നാല്‍ ഏതൊക്കെ തരത്തിലുള്ള നിയന്ത്രണങ്ങളാണ് ഏര്‍പ്പെടുത്തുന്നതെന്ന കാര്യത്തില്‍ വിശദാംശങ്ങള്‍ പുറത്തുവിട്ടിട്ടില്ല.
സര്‍ക്കാര്‍ അനുകൂല ചാനലായ സ്വെസ്ദ, സര്‍ക്കാര്‍ വാര്‍ത്താ ഏജന്‍സിയായ ആര്‍ഐഎ നവോസ്തി, ഓണ്‍ലെെന്‍ മാധ്യങ്ങളായ ലെന്റാ, ഗസേത എന്നീ മാധ്യമങ്ങളുടെ ഫേസ്ബുക്ക് പേജുകള്‍ക്ക് അനധികൃതമായി സെന്‍സര്‍ഷിപ്പ് ഏര്‍പ്പെടുത്തുവെന്നാണ് റഷ്യയുടെ ആരോപണം. 2020 മുതല്‍ സെന്‍സര്‍ഷിപ്പുമായി ബന്ധപ്പെട്ട 23 സംഭവങ്ങള്‍ നടന്നു. സെന്‍ഷര്‍ഷിപ്പിന്റെ കാരണം വ്യക്തമാക്കണമെന്നാവശ്യപ്പെട്ട് ഫേസ്‍ബുക്കിന്റെ മാതൃസ്ഥാപനമായ മെറ്റയ്ക്ക് കത്ത് നല്‍കിയിരുന്നതായും എന്നാല്‍ മറുപടി നല്‍കിയില്ലെന്നും പ്രസ്താവനയില്‍ പറഞ്ഞു. നിയന്ത്രണം ഏര്‍പ്പെടുത്തിയ വിഷയത്തില്‍ ഫേസ്ബുക്ക് പ്രതികരിച്ചിട്ടില്ല.
English Summary: Russia restricted face book usage in the country
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.