റഷ്യന് കമ്മ്യൂണിസ്റ്റ് പാര്ട്ടി നേതാക്കള് കേരളത്തില്റഷ്യയിലെ കമ്മ്യൂണിസ്റ്റ് പാര്ട്ടി നേതാക്കള് കേരളത്തിലെത്തി. കമ്മ്യൂണിസ്റ്റ് പാര്ട്ടി ഓഫ് റഷ്യന് ഫെഡറേഷന് മോസ്കോ സിറ്റി ഡൂമ നേതാക്കളായ സുബ്രിലിന് നികോളെ (സിപിആര്എഫ് സെന്ട്രല് കമ്മിറ്റി അംഗം), ടിമോക്കോ സെർഗേ എന്നിവരാണ് ഇന്ത്യാ സന്ദര്ശത്തിന്റെ ഭാഗമായി തിരുവനന്തപുരത്ത് എത്തിയത്. ഇന്നലെ രാത്രി തിരുവനന്തപുരം അന്താരാഷ്ട്ര വിമാനത്താവളത്തിലെത്തിയ നേതാക്കളെ മന്ത്രി അഡ്വ. ജി ആര് അനില്, സിപിഐ ജില്ലാ സെക്രട്ടറി മാങ്കോട് രാധാകൃഷ്ണന്, കോര്പറേഷന് ഡെപ്യൂട്ടി മേയര് പി കെ രാജു എന്നിവരുടെ നേതൃത്വത്തില് സ്വീകരിച്ചു. റഷ്യന് കമ്മ്യൂണിസ്റ്റ് പാര്ട്ടി നേതാക്കള് നാളെ രാവിലെ 11 മണിക്ക് സിപിഐ സംസ്ഥാന കൗണ്സില് ആസ്ഥാനമായ എം എം എന് സ്മാരകം സന്ദര്ശിക്കും. വൈകിട്ട് അഞ്ച് മണിക്ക് ജോയിന്റ് കൗണ്സില് ഹാളില് സ്വീകരണ സമ്മേളനം സംഘടിപ്പിക്കും. സിപിഐ സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.